बैतडीमा एमालेका भण्डारीको अग्रता कायमै
बैतडी — एक मात्र निर्वाचन क्षेत्र रहेको बैतडीमा जारी मतगणनाको पछिल्लो परिणामअनुसार प्रतिनिधिसभातर्फ नेकपा एमालेका उम्मेदवार दामोदर भण्डारीको अग्रता कायमै रहेको छ । सुरुवातबाटै अग्रता लिइरहेका भण्डारीले अझैसम्म अग्रता कायम राखेका छन् ।
गठबन्धनका साझा उम्मेदवार माओवादी केन्द्रका नरेन्द्र कुँवर (विजयसुन्दर) भण्डारीलाई पछ्याइरहेका छन् । प्रतिनिधि सभा तर्फ २३ हजार २६६ मतगणना हुदा एमालेका भण्डारीले १० हजार ४०७ मत प्राप्त गरेका छन् ।
माओवादीका (विजयसुन्दर)ले ९ हजार ८२३ मत प्राप्त गरेका छन् । पछिल्लो परिणामअनुसार माओवादीका विजयसुन्दरले मतान्तर घटाएका छन् ।