कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १६४

ओखलढुंगा प्रदेशसभा '२' मा माओवादीका बाबुराम गौतम विजयी

कुम्भराज राई

ओखलढुंगा — प्रदेशसभा दुईबाट वाम लोकतान्त्रिक गठबन्धनका तर्फबाट उम्मेदवार बनेका नेकपा माओवादी केन्द्रका बाबुराम गौतम विजयी भएका छन् । उनले १५ हजार सात सय ३८ मत प्राप्त गरे । उनका निकटतम प्रतिद्वन्द्वी नेकपा एमालेका ज्ञानबहादुर खड्काले १४ हजार ६ सय ४२ मत प्राप्त गरे । 

ओखलढुंगा प्रदेशसभा '२' मा माओवादीका बाबुराम गौतम विजयी

गौतम तत्कालीन एकता केन्द्रमा २०४६ सालअघि देखि नै सहभागी भई राजनीतिमा प्रवेश गरेका थिए । २०४७ सालमा हरिऔन माविको इकाई अध्यक्ष त्यसपछि सर्लाही जिल्ला अनेरास्ववियू कमिटीको जिल्ला सदस्य र २०४९ मा आरआर क्याम्पसमा अनेरास्ववियूबाटै स्ववियू सदस्यका उम्मेदवार बनेका थिए । २०५१ माओवादी जनयुद्ध सुरु भएपछि आबद्ध भए । खुल्ला र्मोचा संयुक्त जनमोर्चा नेपाल हुँदादेखि उनको पार्टीमा आबद्धता थियो ।

माओवादीको एरिया कमिटी सदस्य, जिल्ला कमिटी २०५५ सालदेखि, टेड युनियन महासंघको केन्द्रीय महासचिव २०६० सालमा, २०६४ मा उपाध्यक्ष बनेका गौतम २०७० मा नेकपा माओवादीको जिल्ला अध्यक्ष बने । हाल पार्टीको केन्द्रीय सदस्य रहेका गौतमले चारपटक गरी अढाई वर्षजति जेल जीवन बिताएका छन् ।

मजदुरका रूपमा पत्रिका वितरक साइकल ब्वाईको काम गर्दै राजनीतिमा संघर्ष गरेका गौतम शालिन र भद्र नेताका रूपमा परिचित छन् । प्रदेशसभा क्षेत्र नं. २ मा कूल मतदाता संख्या ६१ हजार १ सय ६४ रहेकोमा ३३ हजार ५ सय २९ मतदाताले मतदान गरेका थिए ।

प्रकाशित : मंसिर ७, २०७९ ०८:५३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?