मन्त्री बडूलाई पन्छाउँदै ठगुन्ना अगाडि
दार्चुला — प्रतिनिधिसभा सदस्यमा एमाले नेता गणेशसिंह ठगुन्नाले उद्योगमन्त्री दिलेन्द्रप्रसाद बडूलाई २२ मतले पछाडि पारेका छन् । पछिल्लो मत परिणाम अनुसार ठगुन्नाले ७ हजार ३९५ मत ल्याई अग्रता बनाएका छन् ।
उनका प्रतिद्वन्द्वी मन्त्री बडूले ७ हजार ३७३ मत ल्याएका छन् ।
अपिहिमाल र ब्यास गाउँपालिकाको मत गणना हुँदा मन्त्री बडूले अग्रता बनाएका थिए । एमाले नेताले शैल्यशिखर नगरपालिकाको मत गणना हुँदा मतान्तर घटाउँदै वडा नम्बर ७ बाट अग्रता बनाएका छन् ।
शैल्यशिखर नगरपालिका अझै २ वडाको मत गणना बाँकी रहेकाले ठगुन्नाले बडूसितको मतान्तर अझ बढाउने आकलन गरेका छन् ।
प्रकाशित : मंसिर ७, २०७९ ००:००प्रतिक्रिया
