रसुवा — रसुवा जिल्ला प्रदेशसभा सदस्य क्षेत्र नम्बर १(२) मा नेकपा माओवादी केन्द्रका इन्द्र गाेतामे निर्वाचित भएका छन् ।
गाेतामे ८ हजार ५ सय ३३ मत सहित प्रदेश सभा सदस्यमा निर्वाचित भएका हुन् ।
उनका निकटतम प्रतिद्वन्द्वी एमालेका उम्मेदवार तेम्ब्रेल तामाङले ४ हजार ८ सय ८४ मत प्राप्त गरेका छन् । गाेतामे २०७४ सालको प्रदेशसभा सदस्य निर्वाचनमा पराजित भएका थिए ।
रसुवा — रसुवाबाट प्रतिनिधिसभा सदस्यमा नेपाली कांग्रेसका मोहन आचार्य निर्वाचित भएका छन् । आचार्यले नेकपा एमालेका छोवाङ तेन्जिङ तामाङलाई ९ हजार ६२१ मतले पराजित गरेका छन् ।
आचार्यले १८ हजार २३५ मत ल्याउँदा एमालेका तामाङले ८ हजार ६१४ मत ल्याएका छन् ।
यहाँ मंगोल नेशनल अर्गनाइजेसनका विकाश घलानले २१०, राष्ट्रिय स्वतन्त्र पार्टीका मिननाथ देवकोटाले १६५ र राष्ट्रिय प्रजातन्त्र पार्टीका टिकाप्रसाद देवकोटाले ७५ मत पाएका छन् ।
प्रकाशित : मंसिर ६, २०७९ २०:०८
