रुकुम पूर्व प्रदेशसभामा सत्ता गठबन्धनलाई हराउँदै स्वतन्त्र उम्मेदवार विजयी
रुकुम पूर्व — रुकुम पूर्व प्रदेशसभा १ मा स्वतन्त्र उम्मेदवार सुरुल पुन निर्वाचित भएका छन् । मंगलबार राति सम्पन्न मतगणना अनुसार ५ सय ३३ मतान्तरले माओवादी केन्द्रका तेजबहादुर ओलीलाई पछि पार्दै पुन विजयी भएका हुन् ।
विजयी पुनले जम्मा ४ हजार ४ सय ६५ मत प्राप्त गरका छन् भने उनका निकटतम प्रतिस्पर्धी तेजबहादुर ओलीले ३ हजार ९ सय ३२ मत ल्याएका छन् ।
यसअघि पनि प्रदेशसभा सदस्यमा निर्वाचित भएका ओली माओवादी केन्द्रका जिल्ला इन्चार्जसमेत हुन् । उनी सत्ता गठबन्धनको समर्थनमा पुनः उम्मेदवार बनेका थिए ।
त्यस्तै माओवादी केन्द्रका लुम्बिनी प्रदेश समिति सदस्य रहेका सुरुल पुनले भने आफ्नै पार्टीका उम्मेदवार विरुद्ध बागी उम्मेदवारी दिएका दिए । यसैकारण उनलाई माओवादी केन्द्रले यसअघि नै कारबाही गरिसकेको थियो।
प्रकाशित : मंसिर ६, २०७९ २०:५३प्रतिक्रिया