मोरङ २ मा कोइराला विरासत जोगाउन सुजाता संघर्षरत्

यो क्षेत्रको कुल १ लाख २४ हजार ७ सय २९ मतदातामध्ये ८० हजार १ सय २७ मतमात्र खसेको छ । यो क्षेत्र तत्कालीन क्षेत्र नम्बर १ हुँदा उनका पिता गिरिजाप्रसाद कोइरालाले २०४८, ०५१ र ०५६ को संसदीय निर्वाचन जितेका थिए । २०५६ मा मोरङ र सुनसरी ५ बाट विजयी भएका कोइरालाले मोरङ छाडेपछि उपनिर्वाचनमा उनका प्रतिनिधि आमोदप्रसाद उपाध्यायले बाझी मार्दै पहिलो संविधानसभा निर्वाचनसम्म विरासत थामेका थिए ।

२०७० को संविधान सभा निर्वाचनमा एमालेका पोखरेलले उपाध्यायलाई हराएर लालझण्डा गाडेका थिए । २०७४ को निर्वाचनमा मिनेन्द्र रिजालले पोखरेललाई हराएका थिए । यस पटकको निर्वाचनमा रिजाललाई टिकटमै पन्छाएर कोइराला उम्मेदवार बनेकी हुन् ।