स्याङ्जाको चापाकोटमा मृत्यु भइसकेका ४७ जना व्यक्तिको नामबाट मतदान भएको दाबी

मृत्यु भइसकेका ४७ जनाको नामबाट कांग्रेसले बुथ कब्जा गरेर मतदान गरेको एमालेको दाबी छ । उक्त विषयमा विवाद भएपछि मतगणना हुन सकिरहेको छैन । यो मतदान केन्द्र स्याङ्जा क्षेत्र नम्बर २ मा पर्छ ।

यस्तै, विदेशमा गएकाहरूको नामबाट पनि मतदान गरिएको एमालेले दाबी गरेको छ ।

चुनावको दिन स्याङजाको चापाकाेट नगरपालिका-१ आँधीचाैघेरास्थित भानु मावि मतदान केन्द्रमा कांग्रेस र एमालेका प्रतिनिधिबीच विवाद भएपछि प्रहरीले हवाइ फायर समेत गरेको थियो ।