पाँचथरमा एमालेका नेम्वाङलाई उछिन्दै कांग्रेसका आङदेम्बेको अग्रता- प्रतिनिधि / प्रदेशसभा निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

पाँचथरमा एमालेका नेम्वाङलाई उछिन्दै कांग्रेसका आङदेम्बेको अग्रता

लक्ष्मी गौतम

पाँचथर — पाँचथरको प्रतिनिधिसभा निर्वाचन क्षेत्रमा नेपाली कांग्रेसका भिष्मराज आङदेम्बेले अग्रता लिएका छन् । उनी आफ्ना प्रतिस्पर्धी नेकपा (एमाले)का भिष्मराज आङदेम्वेलाई १ सय ३५ मतले पछाडि पार्दै पहिलो पटक अग्रता लिएका हन् । 

हालसम्म आङदेम्बेले २ हजार २ सय २० मत पाएका छन् भने नेम्वाङले २ हजार ८५ मत पाएका छन् । यो भन्दा अगाडि बसन्त नेम्वाङको अग्रता रहेको थियो । यो निर्वाचन क्षेत्रमा ७४ हजार ८ सय ९८ मत खसेको छ । जसमध्ये हालसम्म ५ हजार ५७ मत गणना भएको हो ।

यस्तै जिल्लाको प्रदेशसभा २ मा नेपाल कम्युनिष्ट पार्टी (माओवादी केन्द्र)का इन्द्रबहादुर आङ्बोले अग्रता लिएका छन् । उनले २ हजार ५ सय ८१ मत प्राप्त गर्दा एमालेका अइन्द्रसुन्दर नेम्वाङलाई २ हजार ४ सय ४४ मत प्राप्त गरेका छन् । यस प्रदेशमा ३७ हजार ७ सय १५ मत खसेकोमा हालसम्म ६ हजार १ सय ५१ मत गणना भएको छ ।

यता प्रदेशसभा १ मा नेपाल कम्युनिष्ट पार्टी एकिकृत समाजवादीका कमलप्रसाद जवेगुले अग्रता लिएका छन् । जवेगुले २ हजार ६ सय १५ मत पाँउदा एमालेका राजकुमार भण्डारीले २ हजार ७४ मत पाएका छन् । यस प्रदेशमा कूल ४० हजार १ सय ८६ मत खसेकोमा हालसम्म ५ हजार ५ सय ५८ मत गणना गरिसकिएको छ ।

प्रकाशित : मंसिर ६, २०७९ ०९:०१
प्रतिक्रिया
पठाउनुहोस्

सर्लाहीका दुई क्षेत्रमा स्वतन्त्र अगाडि

ओमप्रकाश ठाकुर

सर्लाही — चार निर्वाचन क्षेत्र रहेको सर्लाहीका दुई क्षेत्रको प्रतिनिधिसभामा दलहरूलाई पछाडि पार्दै दुई स्वतन्त्र उम्मेदवारले अग्रता कायम राखेका छन् । सर्लाहीको क्षेत्र–१ र ४ को प्रतिनिधिसभामा स्वतन्त्र उम्मेदवारले अग्रता कायम राखेका हुन् । 

सर्लाही क्षेत्र–१ को पछिल्लो मत परिणामअनुसार गठबन्धन दललाई चुनौती दिँदै एमालेबाट बागी बनेर स्वतन्त्र उठेका मानबहादुर खड्का सबैभन्दा अग्रस्थानमा छन् । उनले मंगलबार बिहानसम्ममा २ हजार ८ सय ३ मत प्राप्त गरेका छन् । उनलाई सत्ता गठबन्धनबाट लोकतान्त्रिक समाजवादी पार्टीका उम्मेदवार रामप्रकाश चौधरीले पछ्याइरहेका छन् । चौधरीले १ हजार ९ सय २४ मत प्राप्त गरेका छन् । यस्तै जसपा–एमाले गठबन्धनबाट जसपाका निवर्तमान सांसद प्रमोद साहले भने १ हजार ८ सय ३८ मत प्राप्त गरेका छन् ।

क्षेत्र नम्बर ४ मा पनि दुई गठबन्धन दललाई पछि पार्दै स्वतन्त्रबाट उम्मेदवार बनेका अमरेशकुमार सिंहले अग्रता बनाएका छन् । कांग्रेसका तर्फबाट निवर्तमान सांसद रहेका सिंहलाई पार्टीले उम्मेदवार बन्न रोकेपछि सिंहले स्वतन्त्रबाट उम्मेदवारी दर्ता गराएका थिए । क्षेत्र नम्बर ४ को पछिल्लो मतपरिणामअनुसार स्वतन्त्र उम्मेदवार सिंहले २ हजार २ सय ५९ मत प्राप्त गरेर अग्रस्थानमा छन् । उनलाई सत्ता गठबन्धनका तर्फबाट नेपाली कांग्रेसका उम्मेदवार रहेका नागेन्द्र कुमारले २ हजार २ सय ५४ मत ल्याएर पछ्याइरहेका छन् । माओवादीबाट बागी बनेका नेता शिवपुजन रायकी छोरी मधुमाला कुमारीले १ हजार ६ सय ३३ मत ल्याएकी छन् ।

सर्लाहीको क्षेत्र नम्बर २ मा भने सत्ता गठबन्धनबाट उम्मेदवार बनेका नेपाल समाजवादी पार्टीका महिन्द्र राय यादव अग्रस्थानमा छन् । माओवादीको चुनाव चिह्न लिएर उम्मेदवार बनेका राय १ हजार १ सय १३ मत ल्याएर अग्रस्थानमा छन् । उनलाई मित्रवत् प्रतिस्पर्धामा रहेका लोसपाका वरिष्ठ नेता राजेन्द्र महतोले पछ्याइरहेका छन् । महतोले ८ सय ४२ मत प्राप्त गरेका छन् । यस्तै क्षेत्र नम्बर ३ मा झिनो मतले एमालेका हरि उप्रेतीले अग्रता लिएका छन् । उप्रेतीले २ हजार ५ सय १२ मत प्राप्त गरेका छन् भने उनलाई माओवादीका नरेन्द्र साहले पछ्याइरहेका छन् । साहको २ हजार ४ सय ३१ मत छ ।

प्रकाशित : मंसिर ६, २०७९ ०८:५९
पूरा पढ्नुहोस्
प्रतिक्रिया
पठाउनुहोस्
×