बर्दिया १ मा नागरिक उन्मुक्ति र २ मा स्वतन्त्र अगाडि
बर्दिया — प्रतिनिधिसभा बर्दिया क्षेत्र नम्बर १ र २ मा नागरिक उन्मुक्ति पार्टी र स्वतन्त्र उम्मेदवार मतगणनामा अगाडि छन् । क्षेत्र नम्बर १ मा नागरिक उन्मुक्ति पार्टीका ठाकुरसिंह थारुले ५ हजार ४ सय २९ मत प्राप्त गरेका छन् ।
प्रतिद्वन्द्वी वाम लोकतान्त्रिक गठबन्धनका उम्मेदवार सञ्जयकुमार गौतम ४ हजार ८ सय १९ मत पाएका छन् । एमालेका लक्षमणराज ज्ञवालीले ३ हजार ५ सय १८ मत प्राप्त गरेका छन् ।
यसैगरी प्रतिनिधिसभा क्षेत्र नम्बर २ मा स्वतन्त्र उम्मेदवार लालवीर चौधरीले वाम लोकतान्त्रिक गठबन्धनबाट उम्मेदवारी दिएका सुरेश पन्थलाई फराकिलो मतले अग्रता कायम गरेका छन् ।
नागरिक उन्मुक्ति पार्टीका नेता रेशमलाल चौधरीका बुबा लालवीर स्वतन्त्र उम्मेदवार हुन् । रेशमको उम्मेदवारी खारेज भएको थियो । उनको बाबु लालवीरले स्वतन्त्र उम्मेदवारी दिएका थिए ।
चौधरीले १२ हजार ८ सय ८७ मत पाएका छन् । उनका प्रतिद्वन्द्वी पन्थले ८ हजार २ सय २ मत प्राप्त गरेका छन् । एमालेका उम्मेदवार पंकज संह राठौरले ४ हजार ६ सय ७८ र राप्रपाका विनय रावलले २ हजार ६ सय ३२ मत प्राप्त गरेका छन् ।
प्रकाशित : मंसिर ६, २०७९ ०६:५५