रुकुम पूर्वको मतपेटिका संकलन सकियो
रूकुम पूर्व — रूकुम पूर्वमा मतपेटिका संकलनको काम भर्खरै सम्पन्न भएको छ । जम्मा ४४ मतदान स्थलका ५६ मतदान कन्द्रमध्ये ५४ वटा केन्द्रका मतपेटिका सोमबार बिहानसम्म ल्याइएको भए पनि सिस्ने १ र पुथाउत्तरगंगा २ बाट मतपेटिका आउन बाँकी थियो ।
यी २ वटा केन्द्रका मतपेटिका सोमबार राति जिल्ला सदरमुकाम रूकुमकोट पुर्याइएसँगै मतपेटिका संकलनको काम सम्पन्न भएको मुख्यनिर्वाचन अधिकृत श्यामलाल घिमिरेले जानकारी दिएका छन् ।
अधिकृत घिमिरेका अनुसार अब केहीबेरमा सर्वदलीय बैठक बसेर सहमति गरेपछि मतगणना सुरू गर्नेबारे टुङ्गो लाग्नेछ । रूक्मिनी मावि रूकुमकोटको भवनमा गर्ने गरिनेछ ।
प्रकाशित : मंसिर ५, २०७९ २१:३६प्रतिक्रिया