रुपन्देही ४ मा मतगणना सुरु

मंसिर ५, २०७९अमृता अनमोल

बुटवल — रुपन्देहीको क्षेत्र नम्बर ४ मा मतगणना सुरु भएको छ । निर्वाचन आयोगको कार्यालयका अनुसार सोमबार बिहान साढे ९ बजेपछि मतगणना सुरु भएको हो ।

निर्वाचन सहायक अधिकृत राकेश चौधरीका अनुसार ९ : ३० देखि मतपत्र पट्याएर गणना प्रक्रिया सुरु भएको हो । रुपन्देहीको दक्षिणी क्षेत्रमा पर्ने यो निर्वाचन क्षेत्रमा १ लाख १० हजार ६ सय ५९ मतदाता थिए । त्यसमध्ये २ सय ५८ अस्थायी सहित ७७ हजार ६४ जनाले मतदान गरेका छन् ।