अछाममा ५५ प्रतिशत मत खस्यो
अछाम — भौगोलिक रुपमा विकट रहेको अछाममा करिब ५५ प्रतिशत मत खसेको छ । मुख्य निर्वाचन अधिकृत पिताम्बर शर्माका अनुसार मतपेटिका संकलनको कार्य भइरहेको छ । उनले भने भने ‘सबै ठाउँमा शान्तिपूर्ण रुपमा मतदान सम्पन्न्न भएको छ । धेरै ठाउँबाट मतपेटिका उठाइएको छ ।’
उनका अनुसार आइतबार राति नै यहाँका सबै मतदान केन्द्रका पेटिका गणनास्थल पुर्याइने छ । क्षेत्र नम्बर १ को मतगणना साफेबगरमा हुनेछ भने क्षेत्र नम्बर २ को मतगणना सदरमुकाम मंगलसेनमा रहेको जिल्ला अदालत कार्यालयमा हुने छ । उनका अनुसार जिल्लाका केही मतदान स्थलमा सामान्य विवाद आए पनि सहमतिमा टुंग्याएर मतदान सम्पन्न भएको छ । जिल्लामा १ लाख ५८ हजार ६ सय ५७ जना मतदाता छन् । निर्वाचनका लागि अछामका ६० मतदानस्थल अति संवेदनशीलको सूचीमा राखिएको थियो ।
