बझाङमा झडप रोक्न हवाइ फायर गर्दा प्रहरी घाइते- प्रतिनिधि / प्रदेशसभा निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बझाङमा झडप रोक्न हवाइ फायर गर्दा प्रहरी घाइते

बसन्त प्रताप सिंह

बझाङ — बझाङको छविस पाथिभेरा गाउँपालिका - १ गुरेलथुमको मष्टा प्रावि मतदान केन्द्रमा दलका कार्यकर्ताहरूबीच भएको झडप रोक्न हवाइ फायर गर्ने क्रममा प्रहरीलाई गोली लागेको छ । हवाइ फायर गर्ने क्रममा गोली लागी एक प्रहरी हवल्दार घाइते भएका छन् ।

ती घाइते हवल्दारको उद्धारका लागि अहिले जिल्ला प्रहरी कार्यालयबाट एम्बुलेन्स सहितको प्रहरी टोली मतदान केन्द्रतर्फ गइरहेको छ ।

उक्त मतदान केन्द्रमा सुरुमा सत्ता गठबन्धन तर्फका एक कार्यकर्ताले मतपेटिका खोस्न लागेका थिए । उनलाई एमालेका कार्यकर्ताले उनलाई रोक्नुका साथै धकेलाधकेल गर्दा दुई पक्षबीच झडप भएको थियो ।

उक्त झडप रोक्नका लागि प्रहरीले हवाइ फायर समेत गर्नु परेको थियो । यस क्रममा प्रहरी हवल्दारले हवाइ फायर गर्ने क्रममा गोली भित्तामा लागेर फर्किँदा खुट्टामा लागेको प्रहरी डीएसपी जागेश्वर भण्डारीले जानकारी दिए । यद्यपि घाइते प्रहरी हवल्दारको पहिचान खुल्न सकेको छैन ।

प्रकाशित : मंसिर ४, २०७९ १६:०८
प्रतिक्रिया
पठाउनुहोस्

सिन्धुपाल्चोकमा ३ बजेसम्म ५० प्रतिशत मतदान

अनिश तिवारी

सिन्धुपाल्चोक — प्रतिनिधिसभा र प्रदेशसभा निर्वाचनका लागि आइतबार भइरहेको मतदानमा जिल्लाभर ३ बजेसम्म ५० प्रतिशत मत खसेको छ । जिल्ला निर्वाचन कार्यालयका सूचना अधिकारी राजकुमार चौधरीकाअनुसार केही केन्द्रमा सामान्य भनाभन भएकोबाहेक सबैतिर शान्तिपूर्वक मतदान भइरहेको छ ।

३ बजेसम्म एक लाख ३० हजार १ सय ४२ मतादाताले मतदान गरेको चौधरीले जानकारी दिए । ‘सुरुमा मतदानस्थल खाली देखिएका थियो, सुरुमा उत्साह नदेखिए पनि दिउँसोबाट मतदाता मतदान गर्न उत्साहित भएर केन्द्रक्षेत्रमा आएका छन्, जसमा महिलाको संख्या उल्लेख्य देखिएको छ,’ उनले भने ।

जिल्लाभर २ लाख ६० हजार २ सय ७३ मध्ये प्रतिनिधिसभा १ मा १ लाख ३० हजार ७ सय ९ र २ मा एक लाख २९ हजार ५ सय ६४ मतदाता रहेका छन् । गत बैशाखमा सम्पन्न निर्वाचनपछि झण्डै ३ हजार मतदाता थपिएका थिए । जिल्लाभरका ३ सय २० मतदान केन्द्रमा २ हजार ८ सय ३८ कर्मचारी परिचलान गरिएको छ ।

प्रकाशित : मंसिर ४, २०७९ १५:५३
पूरा पढ्नुहोस्
प्रतिक्रिया
पठाउनुहोस्
x
×