हुम्लामा ४० प्रतिशत मतदान
सुर्खेत — हुम्लामा दिउँसो १:३० बजेसम्म ४० दशमलब ६७ प्रतिशत मतदाताले मतदान गरेका छन् । निर्वाचन कार्यालयले जनाए अनुसार अहिलेसम्म हुम्लामा जम्मा १३ हजार ३६३ जनाले मतदान गरिसकेका छन् ।
जसमध्ये ६ हजार ९५३ जना पुरुष र ६ हजार ४१० जना महिलाले मतदान गरिसकेका छन् । हुम्लामा आइतबार बिहानदेखि नै मतदान जारी छ ।
मंसिर ४ गते आइतबार देशभर प्रतिनिधिसभा र प्रदेशसभा सदस्यका लागि मतदान भइरहेको छ । यद्यपि दोलखा सहितका केही स्थानमा भने मतदान रोकिएको छ ।
प्रकाशित : मंसिर ४, २०७९ १३:४९प्रतिक्रिया
