बाराका २ मतदान केन्द्रमा मतपेटिका परिवर्तन

कलैया उपमहानगरपालिका २५ सिसहनीया नेराप्राविकाे (ग) मतदान केन्द्र र जीतपुरसिमरा उपमहानगरपालिकाकाे पाेता स्थित नेराप्रावि (ख) मतदान केन्द्रमा एक/एक मतपेटिका परिवर्तन गरिएकाे जिल्ला निर्वाचन अधिकारी सराेज चाैधरीले बताए ।

त्यसरी मत हालिएपछि दलका प्रतिनिधिहरूबीच विवाद भएर केही घण्टा मतदान राेकिएकाे थियाे । मतपेटिका सील गरी त्यस मतपत्रलाई गणना गर्ने सहमतिपछि उक्त दुवै मतदान केन्द्रमा मतदान सुरू भएकाे उनले बताए । दुवै मतपेटिकामा खसेकाे मतपत्रकाे यकिन छैन । तर जिल्लास्थित एक सुरक्षा अधिकारीकाअनुसार ७५ मतपत्र भन्दा कमै रहेकाे छ । मतदान केन्द्रमा मतपेटिकासँगै स्वस्तिक छाप लगाउने ठाउँ र मतपत्र प्रदान गरिने ठाउँ कतै साँघुराे र कतै मतदान केन्द्रमा ती सबैकाे सही व्यवस्थापन गर्न नसक्दा मतदाताहरू झुक्किने गरेकाे पाइएकाे छ । त्यसैले समस्या भएको ती सुरक्षा अधिकारीले बताए ।