२४.१२°C काठमाडौं
'निफ'मा देखाइने फिल्मको सूची सार्वजनिक
काठमाडौँ — नेपाल अन्तर्राष्ट्रिय चलचित्र महोत्सव 'निफ'मा देखाइने फिल्मको सूची सार्वजनिक गरिएको छ । बुधबार आयोजित पत्रकार सम्मेलनमा निफले फिल्महरुको सूची सार्वजनिक गर्नुका साथै महोत्स्वको अन्तिम तयारी सकिएको जनाएको छ ।
प्रधानमन्त्री पुष्पकमल दाहालले निफको उद्घाटन गर्नेछन् । चैत २ देखि ६ सम्म आयोजना हुने यो महोत्सव 'विश्वभरीका कथाहरुको उत्सव नेपाल अन्तर्राष्ट्रिय चलचित्र महोत्सव' नारा तय भएको छ ।
महोत्सवमा प्रदर्शन गरिने फिल्म १ सय ५० रुपैयाँमा दर्शकले हेर्न पाउने व्यवस्था मिलाइएको छ । यो पटक निफका फिल्महरु क्यूएफएक्ससँगको सम्झौत अनुसार बिग मुभिज, छाया, लविङ र भक्तपुरको भाटभटेनीमा देखाइँदैछन् । महोत्सवमा ३५ देशका ९५ फिल्म देखाइँदैछ । यो महोत्सवमा विगतमा झैं राष्ट्रिय तथा अन्तर्राष्ट्रिय, लामा-छोटा फिल्म, डकुमेन्ट्री तथा एनिमेटेड फिल्महरु देखाइनेछन् ।
प्रकाशित : चैत्र १, २०७९ २२:०९
