पोखरामा 'धुमधामको घुमघाम'

कणकमणी दीक्षितद्वारा लिखित पुस्तक 'एडभेन्चर्स अफ अ नेपाली फ्रग'को नाट्य रुपान्तरण यो नाटक यसअघि कौसी थिएटरमा मञ्चन गरिएको थियो । नाटकलाई समीक्षात्मक रुपमा रुचाइएको थियो ।

आयुष निरौलाले नाट्य रुपान्तरण गरेको 'धुमधामको घुमघाम'मा इचंगुबाट नेपाल भ्रमणमा निस्किएको भक्ते भ्यागुताको यात्रा समेटिएको छ । त्यही यात्राले प्रकृतिसँगको सम्बन्ध, आधुनिकतासँगै देशको भौगोलिक स्वरुप, विविधतालाई नाटकमा प्रस्तुत गर्छ ।

यात्राका क्रममा भक्ते भ्यागुतो पोखरा पुगेको कुरा पनि नाटकमा प्रस्तुत छ । संयोग के हो भने, भक्ते भ्यागुतोको कथा समेटिएको यो नाटक पनि पोखरामा पुग्दैछ । त्यसैले कौसीले सार्वजनिक गरेको नाटकको पोस्टरमै लेखिएको छ, 'भक्ते आयो पोखरा' ।