'चपली हाइट ३' फेरि प्रदर्शनमा आउने - मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

'चपली हाइट ३' फेरि प्रदर्शनमा आउने 

कान्तिपुर संवाददाता

काठमाडौँ — कोभिड महामारीको चपेटोमा परेको फिल्म 'चपली हाइट ३' फेरि प्रदर्शनमा आउने भएको छ । निकेश खड्का निर्देशित फिल्म साउन २० देखि फेरि प्रदर्शन हुन लागेको हो ।

'हाम्रो फिल्म कोभिडको मर्कामा पर्‍यो । त्यसैले हलवालासँग हारगुहार गरेर मैले फेरि प्रदर्शन गर्ने सोचेको हुँ । सहज वातावरण हेरेर फिल्म प्रदर्शन गर्दैछु, दर्शकले साथ दिनुहुन्छ भन्ने अपेक्षा छ,' फिल्मका निर्माता अर्जुन कुमारले भने ।

कोभिडअघि नै बनेको यो फिल्म महामारीकै कारण झन्डै २ वर्ष अलमलमा पर्‍यो । गत वर्षको माघ १५ देखि हल बन्द भएपछि प्रदर्शनमा आएको तेस्रो दिनमै फिल्मको प्रदर्शन स्थगन भयो । त्यसपछि फागुन १ मा पनि फिल्म प्रदर्शन गरिएको थियो तर अपेक्षित दर्शकले पनि फिल्म हेरेनन् ।

अब फेरि फिल्म निर्माण टिम तेस्रो पटक प्रदर्शन गर्ने तयारीमा जुटेको छ । क्राइम थ्रिलर विधामा बनेको यो फिल्ममा अभिनेत्री स्वस्तिमा खड्का, अभिनेता महेश त्रिपाठी लगायतको अभिनय छ ।

प्रकाशित : श्रावण १८, २०७९ १७:३३
प्रतिक्रिया
पठाउनुहोस्

आयल निगमले भन्यो : हाललाई पेट्रोलियम पदार्थको मूल्य घटाउँदैनौं

कान्तिपुर संवाददाता

काठमाडौँ — भारतीय आयल कर्पोरेसन (आईओसी)बाट पेट्रोलियम पदार्थको मूल्य घटेर आए पनि नेपाल आयल निगमले हाललाई नेपालमा मूल्य यथावत राख्ने भएको छ । एक विज्ञप्ति जारी गर्दै निगमले अझै पनि १५ दिनको नोक्सानी ६३ करोड ५८ लाख रुपैयाँ रहेकाले मूल्य यथावत राखिएको जनाएको छ । 

भारतबाट सोमबार मात्रै पेट्रोल प्रतिलिटर १६ रुपैयाँ तथा डिजेल १२ रुपैयाँले घटेर आएको थियो । निगमका लागि सो मूल्य घटेर आएपछि हाल उसलाई पेट्रोलमा प्रतिलिटर २ रुपैयाँ ७८ पैसा नाफा छ । डिजलमा ९ रुपैयाँ ३७ पैसा र एलपी ग्यासमा प्रतिसिलिण्डर ४९९ रुपैयाँ नोक्सानी रहेको निगमले जनाएको छ ।

निगमले आईओसीलाई अझै २३ अर्ब रुपैयाँ भुक्तानी गर्न बाँकी रहेको जनाएको छ । यो बक्यौता रकम भुक्तानी गर्दै क्रमश: पेट्रोलियम पदार्थको आपूर्ति सहज गर्नुपर्ने दायित्व रहेको रहेको भन्दै निगमले यो पटक मूल्य नघटाउने स्पष्ट पारेको छ । हाल नेपालमा पेट्रोलको मूल्य प्रतिलिटर १८१ रुपैयाँ तथा डिजेल र मट्टितेलको मूल्य प्रतिलिटर १७२ रुपैयाँ छ ।



प्रकाशित : श्रावण १८, २०७९ १७:२९
पूरा पढ्नुहोस्
प्रतिक्रिया
पठाउनुहोस्
×