'बीटीएस' को 'ब्रेक'- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

'बीटीएस' को 'ब्रेक'

कान्तिपुर संवाददाता

काठमाडौँ — विश्वको ठूलो कोरियाली संगीत समूह 'बीटीएस'ले ब्रेक लिने घोषणा गरेसँगै संगीत क्षेत्रमा के-पपकै चर्चा छ । ब्यान्डका ७ सदस्यले आफूहरु सोलो करिअरमा अगाडि बढ्ने जानकारी गराइसकेका छन् ।

'हाम्रो ब्यान्ड टुक्रिएको होइन । तर, अब हामी केही समयका लागि आफ्नै तरिकाले अगाडि बढ्ने छौं,'युट्युबमा सार्वजनिक गरिएको भिडियोमा ब्यान्ड सदस्य सुगाले भनेका छन् । अर्का सदस्य जेले ब्यान्डको यो स्वस्थ योजना रहेको र आफूहरुका लागि यो निर्णय आवश्यक रहेको पनि बताएका छन् । तर, ब्यान्ड सदस्यले आफ्नो आगामी कदमबारे खासै धेरै खुलाउन चाहेका छैनन् ।

विगत २ वर्षमा 'बीटीएस' ले थुप्रै उपलब्धि बटुल्यो । संगीत क्षेत्रको प्रतिष्ठित अवार्ड ग्रामीमा पहिलो पटक मनोनयमा पर्ने के-पप संगीतको यो समूूह, कोरियन भाषाको गीतलाई विलबोर्डको शीर्ष स्थानसम्म पुर्‍याउन सफल ब्यान्ड हो । ग्लोबल स्टेजमा आफूलाई प्रस्तुत गर्ने 'बीटीएस' पहिलो के-पप समूह हो । सन् २०२१ मा उनीहरुले संयुत राष्ट्रको सभासमेत बोलेका थिए । त्यसअघि उनीहरुले ह्वाइट हाउसमा अमेरिकाका प्रधानमन्त्री जो बाइडेनसँग यसियाको सहभागिता, प्रतिनिधित्व र 'एन्टी एसिया हेट क्राइम्स'बारेसमेत बोलेका थिए ।

सन् २०१३ मा संगीतमा डेब्यू गरेको यो समूहले संगीतका निकै रेकर्ड बनाएका छन् । ब्यान्डको 'ब्रेक'लाई लिएर धेरैले 'बीटीएस' लाई सन् २०१६ मा टुक्रिएको 'वान डिरेक्सन'सँग दाँजेर हेरेका छन् । तर 'वान डिरेक्सन'को झैं 'बीटीएस'को ब्रेक गम्भीर नहुने भन्दै संचारमाध्यमहरुले समाचार उल्लेख गरेका छन् । सन् २०२० देखि नै ब्यान्डका सदस्यहरुले सोलो गीतहरु सार्वजनिक गर्न थालिसकेका थिए । ब्यान्ड सदस्य जीन, सुगा, जे-होप, आरएम, जिमिन, जंकहुक र भीबाट ब्यान्डका फ्यान ''बीटीएस' आर्मी' उनीहरुको आगामी सोलो करिअर कस्तो होला भन्ने अन्यौलमा छन् ।

प्रकाशित : असार २, २०७९ १५:२२
प्रतिक्रिया
पठाउनुहोस्

दर्शनशास्त्रका ६ कृति सार्वजनिक

कान्तिपुर संवाददाता

काठमाडौँ — नेपाल प्रज्ञा–प्रतिष्ठान, दर्शनशास्त्र विभागले दर्शनशास्त्रका ६ कृति सार्वजनिक गरेको छ । प्रतिष्ठानले आयोजना गरेको ‘सार्थक जीवन र मृत्युको विज्ञान’ विषयक गोष्ठीमा उक्त पुस्तक सार्वजनिक गरिएको हो । कुलपति कुलपति गङ्गाप्रसाद उप्रेती र वीरेन्द्रप्रसाद मिश्रले सार्वजनिक गरेका हुन् । 

सार्वजनिक गरिएका कृतिहरूमा ‘कर्णाली प्रदेशमा प्रचलित दर्शनपरम्परा’, ‘रामानुजाचार्यको विशिष्टाद्वैत दर्शन’, ‘प्रशस्तपादभाष्य’, ‘वैशेषिक सूत्रको विवेचनात्मक व्याख्या’, ‘सर्वार्थ योगवाणी’ र ‘तन्त्रसर्वस्व’ छन् । फरक फरक अध्यता तथा दर्शनशास्त्रीय यी पुस्तक लेखेका हुन् । विष्णुप्रसाद शर्माले ‘कर्णाली प्रदेशमा प्रचलित दर्शनपरम्परा’ अनुसन्धान गरेका हुन् । यसैगरी नर्वेजियन युनिभर्सिटी अफ लाइफ साइन्सेसका प्राध्यापक विशाल सिटौलाको ‘संसार एक पाठशाला’ कृतिसमेत सार्वजनिक गरिएको थियो ।

प्रतिष्ठानका सदस्य सचिव जगतप्रसाद उपाध्यायले अहिलेसम्म डेढ दर्जन दर्शनशास्त्रका कृति प्रकाशित रहेको बताए । ‘प्रतिष्ठानको ६५औं वार्षिकोत्सव मनाउने तयारीमा छौं,’ दर्शनशास्त्र विभाग प्रमुखसमेत रहेका उपाध्यायले भने, ‘पहिला भारत वर्षीय भनिन्थ्यो । अहिले भारतवर्ष विभिन्न देशमा खण्डित छ । तसर्थ हाम्रा ऋषि महर्षिहरुले प्रतिपादन गरेका जीवन दर्शन प्रकाशन गर्ने तयारीमा छौं ।’ पूर्वीय दर्शनलाई अनुसन्धान, प्रकाशनलाई प्राथमिकता दिएको उनले जनाए ।

प्राध्यापक विशाल सिटौला प्रमुख प्रवचक रहेको समारोहमा जीवन दर्शनबारे प्राध्यापक वीरेन्द्रप्रसाद मिश्र, प्राध्यापक विद्यानाथ उपाध्याय, चिन्तामणि योगी, स्वामी आनन्द अर्हत्, कुलपति उप्रेती, उपकुलपति जगमान गुरुलगायतले चर्चा गरेका थिए ।

प्रकाशित : असार २, २०७९ १५:१५
पूरा पढ्नुहोस्
प्रतिक्रिया
पठाउनुहोस्
×