नेसनल अवार्डमा उत्कृष्ट कंगना र मनोज, 'छिछोरे'ले अवार्ड पाउँदा सुशान्तको सम्झना 

कंगनाले नेसनल अवार्ड चौथो पटक पाएकी हुन् । यसअघि उनले 'फेसन', 'क्वीन', 'तन्नु वेड्स मन्नु रिटर्न्स'बाट यो अवार्ड पाइसकेकी थिइन् ।

दिवंगत अभिनेता सुशान्तसिंह राजपुतको फिल्म 'छिछोरे'ले उत्कृष्ट फिल्मको अवार्ड पायो । निर्देशक नितेश तिवारीले कार्यक्रममा सुशान्तको अभाव खड्किएको बताए । 'यो अवार्ड सुशान्तलाई समर्पित गर्न चाहन्छु । सुशान्त हाम्रो फिल्मको प्रमुख व्यक्ति थियो ।,' रेड कार्पेटमा हिँड्दै गर्दा भारतीय मिडियालाई नितेशले भनेका थिए । फिल्मलाई साजिद नाडियावले निर्माण गरेका थिए ।

कार्यक्रममा अभिनेता रजनीकान्तलाई फिल्म क्षेत्रमा उनले पुर्‍याएको योगदानको कदर गर्दै 'दादासाहेब फाल्के अवार्ड'बाट सम्मान गरियो । भारतको प्रतिष्ठित अवार्डमध्यको यो अवार्ड कार्यक्रम पनि महामारीकै कारण पछाडि सरेको थियो ।