शाहरुखका छोराका वकिलको दावी - 'आर्यन निर्दोष छन्, उनलाई फसाउन खोजियो'- मनोरञ्जन - कान्तिपुर समाचार

शाहरुखका छोराका वकिलको दावी - 'आर्यन निर्दोष छन्, उनलाई फसाउन खोजियो'

एजेन्सी

काठमाडौँ — बलिउडका अभिनेता शाहरुख खानका छोरा आर्यन खानलाई गत अक्टोबर २ मा मुम्बई प्रहरीले पक्राउ गर्‍यो । समुद्री किनारमा क्रूज सिपमा लागूऔषध सेवन गरिरहेको अवस्थामा मुम्बई प्रहरीले उनीसहित ८ जनालाई पक्राउ गरेको थियो ।

प्रहरीले हिरासतमा राखी उनीमाथि लागूऔषध मुद्दा चलाएको छ । यसबीचमा आर्यनको पक्राउबारे अनेक प्रतिक्रिया पनि आए । धेरैले आर्यनलाई भएकोसमेत दावी गरे ।

बुधबार आर्यनको जमानतबारे भएको बहसमा उनका वकिल अमित देसाइले उनी क्रूज सिपमा त्यस साँझ उपस्थित नै नभएको दावी गरेका छन् । वरिष्ठ अधिवक्ता देसाइका अनुसार आर्यन खान र अरबाज मर्चेन्ट प्रवेशद्वारमा पुग्नुअघि नै त्यहाँ प्रहरीले छापा मारिसकेका थिए ।

साथै आर्यनको साथबाट केही पनि चिज फेला नपरेको वकिलको जिकिर छ । साथै उनको साथमा पैसा समेत नभएको र आर्यनको पक्राउ परेका अरु युवाहरुसँग सम्बन्ध नभएको वकिलले तर्क गरेका छन् ।

मुम्बई प्रहरीको लागूऔषध नियन्त्र शाखाले भने आर्यन उक्त समूहमा सहभागी भएको खुलासा गर्दै उनलाई जमानत दिन नमिल्ने बताएको छ ।

आर्यन खानका वकिलले भने उनलाई फसाइएको तर्क गरेका छन् । आर्यनको साथमा केही नभएकाले उनीमाथि गलत आरोप लगाइएको वकिलको जिकिर छ ।

गत अक्टोबर २ को राति शाहरुखका २३ वर्षीय छोरा आर्यनसहित ८ युवाहरु समुद्री किनारस्थित क्रूज सिपबाट लागूऔषध सेवन गरिरहेको अवस्थामा पक्राउ परेका थिए ।

प्रकाशित : आश्विन २७, २०७८ १८:२४
प्रतिक्रिया
पठाउनुहोस्

पत्नीलाई सर्पले डसाएर मार्ने एक भारतीयलाई दोहोरो आजीवन कारावास

कान्तिपुर संवाददाता

काठमाडौँ — पत्नीलाई गोमन सर्पले डसाएर मार्ने एक भारतीय नागरिकलाई दोहोरो आजीवन कारावासको सजाय भएको छ । दोहोरो आजीवन कारावास दुर्लभ मानिन्छ । 

सर्पले डसेर पत्नी उथराको निधन भएपछि गत वर्ष प्रहरीले सुरज कुमारलाई पक्राउ गरेको थियो । घटना भारतको दक्षिणी राज्य केरलको हो ।

दाइजोका लागि पत्नीलाई प्रताडित गर्दै आएको आरोप माइती पक्षले लगाएपछि प्रहरीले हत्याको विषयमा अनुसन्धान सुरु गरेको थियो । सोमबार अदाललते पत्नी ओछ्यानमा सुतिरहेको समयमा उनले कोठामा सर्प छाडेको भन्दै दोषी ठहर्‍याएको थियो । गत वर्षको मे महिनामा २५ वर्षीया उथरा मृत अवस्थामा घरमा भेटिएकी थिइन् ।

त्यसको केही साताअघि मात्रै उथरालाई सर्पले डसेको थियो । दुवै घटनालाई जोड्दै माइती पक्षले शंका गरेको थियो । पहिलो पटक सर्प डस्दा उनी बाँचेकी थिइन् । प्रहरीको अनुसन्धानमा दुवै पटक सुरजले नै सो घटना गराएको खुलेको छ । प्रहरीले सर्प खरिद गर्न सुरजलाई सहयोग गर्न व्यक्तिलाई समेत पक्राउ गरेको थियो । ती व्यक्तिकै सहयोगमा प्रहरीले घटनाबारे अनुसन्धान गरेको थियो ।

भारतको कानुनसम्बन्धी समाचार दिने वेबपेज 'लाइभल'काअनुसार सुरजले कसरी षडयन्त्र रचे र कसरी पत्नीको हत्या गरे भन्ने विषयमा १ हजार पेजमा आरोप पत्रमा विस्तृत रुपमा चर्चा गरिएको जनाएको छ । अभियोजनकर्ताले सो घटनालाई अति दुर्लभ भन्दै मृत्युदण्डको माग गरेका थिए । न्यायाधीशले पनि सो घटनालाई दुर्लभ भएको स्वीकार गर्दै दोहोरो आजीवन कारावासको सजाय र पाँच लाख रुपैयाँ जरिवानको फैसला गरेका छन् ।

प्रकाशित : आश्विन २७, २०७८ १७:५९
पूरा पढ्नुहोस्
प्रतिक्रिया
पठाउनुहोस्
×