हलिउड फिल्ममा अन्जली लामा- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

हलिउड फिल्ममा अन्जली लामा

कान्तिपुर संवाददाता

काठमाडौँ — ट्रान्सजेन्डर नेपाली मोडल अन्जली लामाले हलिउडमा डेब्यू गर्ने भएकी छन् । ६ भागमा निर्माण हुने 'वुमन स्टोरिज'मा अन्जलीसँगै बलिउड अभिनेत्री ज्याकलिन फर्नान्डिज, मार्सिया गे हार्डेनलगायतको अभिनय रहनेछ । यो फिल्म ज्याकलिनको पनि हलिउड फिल्म हो ।

विभिन्न देशका महिला निर्देशकहरुले निर्देशन गर्ने फिल्ममा कलाकार पनि महिला नै रहने डेडलाइनमा समाचार उल्लेख छ । फिल्मको छायांकन इटाली, भारत र अमेरिकामा गरिने बताइएको छ ।

ज्याकलिन र अन्जलीको कथालाई भने लीना यादवले निर्देशन गर्ने बताइएको छ । लीनाले यसअघि 'पार्च्ड', 'तीन पत्ती', 'शब्द'लगायतको फिल्म निर्देशन गरेकी छन् । 'क्यामेरा र क्यामेराभित्रको महिलाहरुको कथा उनीहरु दृष्टिकोणबाट आउन भनेर हामीले महिला निर्देशक रोज्यौं,' निर्माता मध्येका एक कम्पनी 'वी डु टुगेदर'ले भने ।

अन्जलीले फिल्मबारे छापिएको समाचारको लिंक इन्स्टाग्राममा सेयर गर्दै खुशी व्यक्त गरेकी छन् । भारतमा मोडलिङ गर्दै आएकी उनी 'भोग', ग्राजिया अवार्डबाट सम्मानित भइसकेकी छन् ।

प्रकाशित : माघ १४, २०७७ १९:२९
प्रतिक्रिया
पठाउनुहोस्

पाकिस्तान ८८ रनले अगाडि

एजेन्सी

कराँची — पाकिस्तानले दक्षिण अफ्रिकाविरुद्धको पहिलो टेस्टको दोस्रो दिन बुधबार ८८ रनको अग्रता लिएको छ । दिनको खेल समाप्त हुँदा पाकिस्तानले आठ विकेट गुमाएर ३ सय ८ रन बनाएको छ ।

हसन अलि ११ र नउमन अलि ६ रन बनाएर खेलिरहेका छन् । पाकिस्तानले दोस्रो दिनको सुरुआत चार विकेट गुमाएर ३३ रनको खराब स्थितिबाट गरेको थियो, तर फवाद आलम र मोहम्मद रिजवानले पाकिस्तानी इनिङ्स सम्हाले ।

उनीहरूले पाँचौं विकेटका लागि ९४ रनको साझेदारी गरे । रिजवान ३३ रन बनाएर आउट भएपछि आलमले फाहिम असरफसँग थप ५५ रनको साझेदारी गरे । आलमले १ सय ९ रन बनाए ।

उनले ९ चौका र २ छक्का प्रहार गरे । असरफले ६४ रनको योगदान दिए र उनको ब्याट्बाट ९ चौका निस्केको थियो । यसअघि दक्षिण अफ्रिकाले आफ्नो पहिलो इनिङ्समा २ सय २० रन बनाएको थियो ।

प्रकाशित : माघ १४, २०७७ १९:१३
पूरा पढ्नुहोस्
प्रतिक्रिया
पठाउनुहोस्
×