कोरोनालाई जितेर घर फर्किए अमिताभ बच्चन, अभिषेक अस्पतालमै- मनोरञ्जन - कान्तिपुर समाचार

कोरोनालाई जितेर घर फर्किए अमिताभ बच्चन, अभिषेक अस्पतालमै

कान्तिपुर संवाददाता

काठमाडौँ — बलिउड अभिनेता अमिताभ बच्चन कोरोनालाई जितेर घर फर्किएका छन् । २३ दिनदेखि मुम्बईको नानावती अस्पतालमा उपचार गराइरहेका बच्चनले आफू आइतबार डिस्चार्ज भएको सामाजिक सञ्‍जाल मार्फत जानकारी दिएका हुन् ।

अस्पतालबाट डिस्चार्ज भएपछि ७७ वर्षीय बच्चनले घरमा एक्लै क्वारेन्टाइनमा बस्‍ने ट्वीट मार्फत जानकारी दिएका छन् । उनले अस्पतालको उत्कृष्ट हेरचाहले नै आफूलाई यो दिन देख्‍न सम्भव भएको पनि बताएका छन् ।

अभिताभका छोरा अभिषेक,बुहारी ऐश्वर्या र नातिनी आराध्यालाई पनि कोभिड-१९ पोजिटिभ देखिएको थियो । ऐश्वर्या र आराध्या निको भएर यसअघि नै घर फर्किसकेका छन् भने अभिषेक अस्पतालमै छन् ।

कोरोना लक्षणहरु देखिएपछि आफू अस्पतालमै रहने अभिषेकले ट्विट गर्दै जानकारी दिएका छन् । उनले लेखेका छन्, 'दुर्भाग्यवस ममा अझै केहि लक्षण अझै देखिएको छ । म अस्पतालमै हुनेछु । तपाईंहरुको लगातार प्रार्थनाको लागि धन्यवाद । म यसलाई जितेर स्वस्थ भएर फर्किने वाचा गर्छु ।'

प्रकाशित : श्रावण १८, २०७७ १८:११
प्रतिक्रिया
पठाउनुहोस्

भारतीय गृहमन्त्री अमित साहलाई कोरोना संक्रमण

उत्तर प्रदेश सरकारकी एक मन्त्रीको कोरोनाका कारण निधन
एजेन्सी

भारतको केन्द्र सरकारका गृहमन्त्री अमित साहलाई कोरोना संक्रमण भएको छ । भारतीय जनता पार्टीका पूर्व अध्यक्षसमेत रहेका मोदी सरकारका शक्तिशाली मन्त्री साहले ट्विटमार्फत् आफूलाई कोरोना देखिएको सार्वजनिक गरेका हुन् ।

कोरोनाका लक्षणहरु देखिन थालेपछि मन्त्री साहले परीक्षण गराएका थिए । परीक्षणका क्रममा पोजिटिभ देखिएपछि गृहमन्त्री साह अस्पताल भर्ना भएका छन् ।

साहले केही दिनको अवधिमा आफूसँग सम्पर्कमा आएका सबै व्यक्तिहरुलाई कोरोना परीक्षण गराउनसमेत आग्रह गरेका छन् ।

यसैबीच, योगी आदित्यनाथ नेतृत्वको उत्तर प्रदेश सरकारकी एक मन्त्रीको कोरोनाका कारण निधन भएको छ । प्राविधिक शिक्षा मन्त्री कमलारानी वरुणको कोरोनाका कारण आइतबार लखनउमा निधन भएको भारतीय सञ्चारमाध्यमहरुले जनाएका छन् ।

६२ वर्षीय वरुणको लखनाउस्थित सञ्जय गान्धी पोस्टग्रायजुएट इन्स्टिच्युट अफ मेडिकल साइन्समा उपचारका क्रममा निधन भएको उत्तर प्रदेश सरकारले जनाएको छ ।

कोरोना संक्रमणपछि अस्पताल भर्ना भएका बलिउड अभिनेता अमिताभ बच्चन उपचारपछि घर फर्किएका छन् । उनले अस्पतालमा रहँदा उपचार संलग्न सबैलाई धन्यवाद समेत ज्ञापन गरेका छन् ।

प्रकाशित : श्रावण १८, २०७७ १७:३०
पूरा पढ्नुहोस्
प्रतिक्रिया
पठाउनुहोस्
×