कोभिड-१९ माथि मिलेर फिल्म बनाउँदै पाँच निर्देशक

एजेन्सी

कोरोना महामारी (कोभिड-१९) मा आधारित भएर बन्ने फिल्मलाई निर्देशक अनुभव सिन्हाले निर्माण गर्ने भएका छन् । फिल्मलाई सिन्हाको ब्यानर मिडियावर्क्स अन्तर्गत निर्माण गरिने भएको हो । महामारीबीचका फरक-फरक कथालाई फिल्ममा देखाइने बताइएको छ । 

फिल्मको नाम अझै तय भइसकेको छैन । फिल्मलाई निर्देशक हन्सल मेहता, सुधीर मिश्रा, केतन मेहेता र सुवास कपुरले निर्देशन गर्ने छन् । फिल्ममा फरक-फरक कथाहरु समेटिनेछन् ।

'यो एकदमै रोचक समय हो । रोचक उपयुक्त शब्द नहोला तैपनि... । सुधीरको ड्राइभरलाई कोभिड देखिएको थियो । तर, उनले अस्पतालमा बेड पाएनन् । हामीले एउटा बेडका लागि धेरैलाई फोन घुमायौं । त्यो रात मलाई दिमागमा लाग्यो कि यो कुरा डकुमेन्ट गरेर राख्नुपर्छ,' अनुभव सिन्हाले बलिउड हंगामालाई बताएका छन्, 'कोभिड महामारीबीच सुधीरको बुबा बित्नुभयो । हामीले इरफान गुमायौं, अनि उसको अन्तिम सँस्कारमा पनि जान पाएनौं ।'

यस्ता कुराबाट कोभिडबारे फिल्म बनाउने सोच आएको र यो कुरा सुनाउँदा चार निर्देशकहरु फिल्म बनाउन तयार भएको सिन्हाले बताएका छन् । 'हन्सलले निर्देशन गर्ने फिल्म कमिक र ट्रयाजिक हुनेछ,' सिन्हाले भनेका छन्, 'सुधीरको कथा राजनीतिसँग सम्बन्धित हुनेछ । सुवासले राजनीतिलाई फरक तरिकाले कथामा प्रस्तुत गर्नेछन् ।'

अनुभव आफैं भने डरको विषयमा कथा समेट्न खोज्दैछन् । यो फिल्म सन् २०२१ मा प्रदर्शन गर्ने भनिएको छ । सिन्हाले यसअघि 'थप्पड' र 'आर्टिकल १५' लगायतका प्रशंसित फिल्मको निर्माण निर्देशन गरेका छन् ।

प्रकाशित : श्रावण ११, २०७७ १९:४८
प्रतिक्रिया
पठाउनुहोस्

बयालपाटा अस्पतालले हटाएका कर्मचारीमध्ये स्थानीयको पुनर्बहाली हुने 

मेनुका ढुंगाना

अछाम — बयालपाटा अस्पतालले हटाइएका कर्मचारीमध्ये स्थानीयलाई पुनर्बहाली गर्ने भएको छ । आर्थिक अभावका कारण देखाउँदै अस्पतालले स्थानीयलाई मात्र पुनर्बहाली गर्न सहमति जनाएको हो । उक्त अस्पताल न्याय हेल्थ नेपालले सञ्‍चालन गरेको हो ।  

पटक पटकको बैठकपछि पुनर्बहाली गर्ने सहमति भएको कांग्रेस अछामका सभापति भरतकुमार स्वारले बताए । हटाइएका सबैलाई पुनर्बहाली गर्नुपर्ने आफूहरुको प्रयास भए पनि नसकिएको उनले बताए ।

जागिरबाट हटाइएको एक जना कर्मचारी आत्मदाह गरेको उल्लेख गर्दै फेरि पनि त्यस्तो अवस्था आउन नदिन निरन्तर आफूहरु लागि परेको नेकपाका नेता प्रकाश शाहले बताए । उनका अनुसार निकालिएका अरु कर्मचारी तनावमा थिए । अस्पतालसँगको लामो प्रयासपछि पुनर्बहाली भएको उनले बताए ।

प्रकाशित : श्रावण ११, २०७७ १९:४२
पूरा पढ्नुहोस्
प्रतिक्रिया
पठाउनुहोस्
×