'दिल बेचरा' हेरेर तिम्रो प्रेमको उत्सव मनाउँछु : रिया चक्रवर्ती 

एजेन्सी

बलिउड अभिनेता सुशान्त सिंह राजपुतको अन्तिम फिल्म 'दिल बेचरा' आज साँझ डिज्नी प्लस हटस्टारबाट प्रदर्शनमा आउँदैछ ।  जुन १४ मा आत्महत्या गरेका अभिनेता सुशान्तका फ्यान, उनका परिवार र बलिउडका लागि यो फिल्म निकै प्रतिक्षित थियो ।

धेरैले सुशान्तको यो फिल्म श्रद्धाञ्जली दिन पनि हेर्ने तयारीमा छन् ।

सुशान्तको आत्महत्यापछि विवादमा तानिएकी उनकी प्रेमिका रिया चक्रवर्तीले फिल्मलाई लिएर भावुक स्टाटस लेखेकी छिन् । सुशान्तको फिल्म हेर्न साहस आवश्यक रहेको उनले स्टाटसमा उल्लेख गरेकी छिन् । 'तिमीलाई हेर्न मलाई साहस चाहिन्छ । तिमी मसँगै छौ भन्ने मलाई थाहा छ । तिम्रो प्रेमको उत्वस मनाउनेछु । तिमी मेरो जीवनको हिरो हौ । मलाई थाहा छ तिमी हामीसँगै हेरिरहेका हुनेछौ,' उनले लेखेकी छिन् ।

पछिल्लो समय रियालाई सुशान्तको आत्महत्याको दोष लगाउँदै बलात्कारकाे धम्की समेत आएकाे थियाे । यसबारे अनुसन्धानका लागि उनले सिबिआईमा अनुसन्धानका लागि अनुरोध पनि गरेकी थिइन् ।

प्रकाशित : श्रावण ९, २०७७ १८:४२
प्रतिक्रिया
पठाउनुहोस्

सीमामा खटिएका १८ सशस्त्र प्रहरीमा कोरोना

पर्वत पोर्तेल

काँकडभिट्टा — मुलुकको पूर्वी सीमा नाकामा खटिएका १८ जना सशस्त्र प्रहरीलार्ई कोरोना पुष्टि भएको छ । मंगलबार दुई जवानमा कोरोना देखिएको थियो । 

जिल्ला स्वास्थ्य कार्यालय झापाका फोकल पर्सन जीवन चम्लागाईका अनुसार सबै सीमा सुरक्षा बल काँकडभिट्टामा कार्यरत हुन् । उनीहरु विगत ४ महिनादेखि सीमामा तैनाथ थिए ।

फोकल पर्सन चम्लागाईंले संक्रमित सबैलाई उपचारका लागि मोरङको गोठगाउँस्थित कोभिड अस्पताल लागिएको जानकारी दिए ।

झापामा शुक्रबार थप २५ जनामा कोरोना संक्रमण पुष्टि भएको छ । झापामा कोरोना संक्रमितको संख्या ३४५ पुगेको छ । २९८ उपचारपछि घर फर्किएका छन् ।

प्रकाशित : श्रावण ९, २०७७ १८:१९
पूरा पढ्नुहोस्
प्रतिक्रिया
पठाउनुहोस्
×