कान्तिपुर वेबसाईट
AdvertisementAdvertisement

तिहारमा अक्षयको 'सूर्यवंशी', क्रिसमसमा रणवीरको '८३'

एजेन्सी

पछिल्लो तीन महिनादेखि लकडाउनले गर्दा भारतको सिंगल स्किन र मल्टिप्लेक्स हलमा चाबी लगाइएको छ । हलवालाका अनुसार लकडाउनले गर्दा  फिल्म इन्डस्ट्रीलाई ४५०० करोडको घाटा भएको भारतीय सञ्चारमाध्यमले समाचार छापेका छन् । 

मंगलबार दुई ठूला फिल्मको नयाँ प्रदर्शन मिति सार्वजनिक भयो । रोहित सेट्टीको निर्देशनमा बनेको 'सूर्यवंशी' र कबीर खान निर्देशित '८३' तिहार र क्रिसमसमा प्रदर्शन हुने बताइएको छ । 'सूर्यवंशी'मा अभिनेता अक्षय कुमारको मुख्य भूमिका छ भने '८३'मा अभिनेता रणवीर सिंहको । दुवै फिल्मको प्रदर्शन मिति सार्वजनिक गर्ने आइडिया धर्मा प्रोडक्सन र रिलायन्स इन्टरटेन्मेन्टको थियो । यी दुई कम्पनी दुवै फिल्मको वितरक र निर्मातासमेत हुन् । पछिल्लो समय यी फिल्महरु ओटीटी(ओभर दि टप)मा प्रदर्शनमा आउने चर्चा पनि थियो ।

भारतीय फिल्मकर्मीहरु अगस्ट महिनाबाट फिल्म हल खुल्ने आशमा छन् । तिहार र क्रिसमस पर्वसम्म फिल्म हल पूरा तरिकाले खुलिसक्ने उनीहरुको आकलन छ । फिल्म हल खुलेपछि अगस्टमा हलिउडका ठूला फिल्म पनि भारतका हलहरुमा प्रदर्शनमा आउनेछन् । क्रिस्टोफर नोलनको 'टेनेन्ट', डिज्नीको 'मुलान' पनि प्रदर्शनमा आउनेछ । 'मुलान' अगस्ट १२ मा प्रदर्शनमा आउने बताइएको छ ।


पछिल्लो समय केही बलिउड फिल्म डिजिटल प्लेटफर्मबाट प्रदर्शनमा आएका छन् । तर धेरै फिल्मल हल खुल्ने समयकै पर्खाइ गरे । अगस्ट महिनादेखि प्रदर्शनको पंक्तिमा धेरै फिल्म छन् । जसमध्ये यशराज ब्यानरको फिल्म 'सन्दीप और पिंकी फरार', राजकुमार राव अभिनित 'छलांग' प्रदर्शनको तयारीमा छन् । मनोज बाजपायी अभिनित 'सुरज पर मंगल भारी' पनि डिजिटल प्लेटफर्ममा प्रदर्शनमा आएन । जोन अब्राहम अभिनित 'मुम्बई सागा' पनि ५/१० दिनको सुटिङपछि प्रदर्शनको लागि तयार हुने बताइएको छ । सिद्धार्थ मल्होत्राको 'शेरशाह' र परिणिती चोपडाको 'द गर्ल अन द ट्रेन' पनि हलको पर्खाइमा देखिन्छन् ।

प्रकाशित : असार १८, २०७७ १४:२४
प्रतिक्रिया
पठाउनुहोस्

राष्ट्रपति भण्डारीद्वारा संसद् अधिवेशन अन्त्य

कान्तिपुर संवाददाता

काठमाडौँ — राष्ट्रपति विद्यादेवी भण्डारीले संघीय संसद्को दुवै सदनको चालु अधिवेशन अन्त्य गरेकी छिन् । राष्ट्रपति भण्डारीले मन्त्रिपरिषद्को सिफारिसमा बिहीबार अपरान्ह ५ बजेदेखि लागू हुनेगरी संसद्को बजेट अधिवेशन अन्त्य गरेकी हुन् ।

बिहीबार बिहान बसेको मन्त्रिपरिषद् बैठकले राष्ट्रपतिसमक्ष संसद्को चालु अधिवेशन अन्त्य गर्न सिफारिस गरेको थियो । मन्त्रिपरिषद् बैठकअघि प्रधानमन्त्री केपी शर्मा ओली राजनीतिक परामर्शका लागि शीतल निवास पुगेका थिए ।

अब राष्ट्रपति कार्यालयबाट प्राप्त पत्रअनुसार संसद् सचिवालयले सूचना टाँस गरेपछि औपचारिक रुपमा अधिवेशन अन्त्य भएको मानिन्छ ।


प्रकाशित : असार १८, २०७७ १४:१९
पूरा पढ्नुहोस्
प्रतिक्रिया
पठाउनुहोस्
×