कोरोना प्रकोप : फ्यानसँग नभेट्ने अमिताभको निर्णय 

मुम्बइस्थित उनको घर जलसामा हरेक आइतबार उनले फ्यानहरुलाई भेट्दै आएका थिए ।

'आइतबार जलसामा हुने भेलामा म नआउने जानकारी गराउँछु । तपाईंहरु पनि जलसाको गेटमा नआउनु होला । सतर्कता अपनाउनुस्, स्वस्थ रहनुस्,' बच्चनले ट्वीटरमा लेखेका छन् । दर्शकसँग साक्षात्कार नगर्नुको कारण कोरोना नै रहेको भनेर उनले ट्वीटरमा भने कतै लेखेका छैनन् । कोरोनाकै कारण भारतमा दुईजनाको मृत्यु भइसकेको छ । महामारी फैलँदै गएका कारण बच्चनले आफ्ना फ्यानलाई सतर्क रहन आह्वानसमेत गरेका छन् ।

दर्शकसँग यसरी साक्षात्कार गर्ने अमिताभको पुरानो चलन हो । हरेक आइतबार मुम्बईमा उनको निवासअघि दर्शकको भीड लाग्ने गर्छ । आफ्नो घरको गेटवरपर भेला भएका दर्शकसँग साक्षात्कार गर्दै गरेका तस्बिर उनले पहिला सार्वजनिक गरेका पनि थिए ।