मिस नेपालसँग 'मिस युनिभर्स'ले सहकार्य नगर्ने  

कान्तिपुर संवाददाता

काठमाडौँ — सौन्दर्य प्रतियोगिता 'मिस नेपाल'सँग यो वर्ष 'मिस युनिभर्स'ले सहकार्य नगर्ने भएको छ । मिस युनिभर्सले यो सहकार्य तोडेको हिडन ट्रेजरका अध्यक्ष दीवाकर राजकर्णिकारले जानकारी दिए ।

'मिस युनिभर्सको प्रावधानअनुसार प्रत्येक वर्ष लाइसेन्स नवीकरण गर्नुपर्छ। ३ वर्ष भयो हामीले यो लाइसेन्स प्राप्त गर्न थालेको। तर यसपाली अचानक उहाँहरुले हामीलाई लाइसेन्स नदिने निर्णय गर्नुभएछ', निर्देशक सुवर्ण क्षेत्रीले भने, 'यो दुखद कुरा हो। तर उहाँहरुले के पनि भन्नु भएको छ भने, यो यस वर्षको लागि मात्र हो। हिडन ट्रेजरले फेरि लाइसेन्स नपाउने भनेको होइन त्यो ढोका खुल्ला छ, अर्को वर्ष दिन पनि सक्छ।'

नेपालसँग सहकार्य नगर्नुको कारणबारे मिस युनिभर्सले केही खुलाएको छैन। हिडन ट्रेजरले सहकार्य नगर्नुको कारण मिस युनिभर्ससँग सोधेको थियो। तर मिस युनिभर्सले ठोस कारण नरहेको उल्लेख गरेर पत्र पठाएको छ

यससँगै हिडन ट्रेजरले मिस नेपाल २०२० का लागि आवेदन खुल्ला गरेको छ। प्रतिस्पर्धामा भाग लिन चाहनेले मार्च २७ सम्म आवदेन दिन ट्रेजरले जनाएको छ। मिस नेपालको फिनाले आगामी मे १५ मा होटल अन्नपूर्णमा हुनेछ। मार्च ८- २४ सम्म राजधानी बाहिरका धनगढी, नेपालगञ्ज, बुटवल, पोखरा, चितवन, वीरगन्ज, धरान र बिर्तामोडमा अडिसन गरिने भएको छ।

यसपटक विजेतालाई २ लाख ५० हजार र उप-विजेतालाई २५ हजार प्रदान गरिने ट्रेजरले जनाएको छ। प्रकाशित : फाल्गुन १३, २०७६ १३:१६

ADVERTISEMENT
प्रतिक्रिया
पठाउनुहोस्
ADVERTISEMENT

रेडपान्डाको छालासहित ४ जना पक्राउ

कान्तिपुर संवाददाता

काठमाडौँ — महानगरीय अपराध महाशाखाले काठमाडौंबाट दुर्लभ वन्यजन्तु रेडपान्डाको छालासहित ४ जनालाई पक्राउ गरेको छ ।

महाशाखाको टोलीले सोमबार दिउँसो बुढानिलकण्ठ नगरपालिका १२ कपन खरिबोटबाट सिन्धुली तिनपाटन गाउँपालिका- ४ बालाजोरका ३९ वर्षीय सूर्यबहादुर भुजेल, धादिङ धुनिबेसी नगरपालिका ७ झाप्रेका ४० वर्षीय सुकबहादुर लामा, काठमाडौं बुढानिलकण्ठ नगरपालिका १३ कपनकी ४० वर्षीया कमला तामाङ र कास्की मादी गाउँपालिका ८ तारकाङका ३७ वर्षीय युवराज सापकोटालाई पक्राउ गरेको प्रहरी उपरीक्षक मुकेशकुमार सिंहले जानकारी दिए।

गोप्य सूचनाको आधारमा शरीर खानतलासी गर्दा भुजेलले बोकेकोझोलाभित्र निलो प्लास्टिकमा बेरिएको अवस्थामा दुर्लभ वन्यजन्तु रेडपान्डाको छाला फेला परेपछि उनीहरुलाई पक्राउ गरिएको सिंहले निकालेको विज्ञप्तिमा उल्लेख छ।

उनीहरुलाई कारबाहीको लागि जिल्ला वन कार्यालय काठमाडौं पठाइएको उनले बताए।

प्रकाशित : फाल्गुन १३, २०७६ १२:५०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×