‘लभ आजकल’को खस्कँदो व्यापार

कान्तिपुर संवाददाता

बलिउड अभिनेता कार्तिक आर्यन र सारा अली खान अभिनित फिल्म 'लभ आजकल'को बक्स अफिस व्यापार सोमबार झनै खस्किएको छ । सोमबार फिल्मले २ करोड ७५ लाखको मात्र व्यापार गरेको हो । फिल्मले शुक्रबार १२ करोड ४० लाखको ओपनिङ व्यापार गरेको थियो ।

फिल्म प्रदर्शन अघि दर्शकबीच फिल्मको चर्चा खुबै सुनिन्थ्यो। तर, फिल्म प्रदर्शनमा आएपछि दर्शकले 'लभ आजकल' लाई मनपराएनन्।

अहिलेसम्म फिल्मको व्यापार ३५ करोड पुगेको छ। यो निराशाजनक नतिजासँगै बलिउड पण्डितले फिल्मले ४० करोडसम्मको व्यापार गर्ने अनुमान गरेका छन्। फिल्ममा मुख्य भूमिकामा देखिएका कार्तिक अब 'दोस्ताना-२' र 'भूलभूलैया-२'को छायांकन गर्ने तयारीमा छन्।


प्रकाशित : फाल्गुन ६, २०७६ १६:१३
ADVERTISEMENT
प्रतिक्रिया
पठाउनुहोस्
ADVERTISEMENT

साइन्स ओलम्पियाडकाे उपाधि पराजुलीलाई

कान्तिपुर संवाददाता

काठमाडौँ — राष्ट्रियव्यापी साइन्स ओलम्पियाड-२०१९ को उपाधि काठमाडौं मोडल स्कुलका छात्र विमल पराजुलीले जितेका छन् । दुई चरणमा भएको प्रतियोगितामा पराजुलीले देशभरबाट सहभागी अढाइ सय विद्यार्थीहरुलाई हराउँदै प्रथम भएका हुन् ।

मेघा कलेजका डायमन्ड जीसी दोस्रो र काठमाडौं मोडल कलेजका विपुल न्यौपाने तेस्रो भए।

ओ‌लम्पियाडमा उत्कृष्ट भएकाहरुलाई नगद र प्रमाणपत्रसहति पुरस्कृत गरिएको साइन्स ओलम्पियाड–२०१९ का कार्यक्रम संयोजक एवं नेपाल साइन्स ओलम्पियाडका कार्यसमिति सदस्य सिजर भट्टले जानकारी दिए।

ए–लेभल र कक्षा ११/१२ मा विज्ञान विषय लिएर पढिरहेका विद्यार्थीहरुलाई लक्षित गरी आलम्पियाडको आयोजना गरिएको थियो।

युवा प्रतिभालाई प्रोत्साहन, विद्यार्थीहरुलाई विज्ञानमा रुचि जगाउने, राष्ट्रिय प्रतिभाको पहिचानजस्ता उद्देश्य लिएर कार्यक्रमको आयोजना गरिएको थियो।

नेपाल साइन्स ओलम्पियाडले सन् २०१२ देखि राष्ट्रियव्यापी साइन्स ओलम्पियाडको आयोजना गर्दै आएको छ।

प्रकाशित : फाल्गुन ६, २०७६ १६:०९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×