आदित्य र नेहाको बिहे चर्चा : उदित भन्छन्, 'परिवारमा गायिका थपिँदा खुसी नै हुन्छु' 

हालै, उदितले छोराको बिहेबारे मुख खोलेका छन् । 'कुनै गायिका मेरो घरको बुहारी बन्छ भने म त्यसमा खुसी हुन्छु' भारतीय मिडियामा उनले भनेका थिए ।

छोरा आदित्य र नेहाको बिहेको हल्लाबारे बोल्दै उनले थपे, 'नेहा एकदमै राम्री केटी हो । उनी निकै राम्रो गाउँछिन् । मलाई नेहा असाध्यै राम्रो लाग्छ । ममात्रै होइन उनलाई सबैले माया गर्छन् । उनले आफ्नो लागि इन्डस्ट्रीमा स्थान बनाएकी छिन् । म अक्सर उनको गीत सुन्छु ।'

नेहा र आदित्य 'इन्डियन आइडल'मा सँगै कार्यरत छन् । नेहा गायन शोको निर्णायकको रुपमा कार्यरत छिन् भने आदित्य कार्यक्रम प्रस्तोता । बिहेको चर्चा त्यही शोबाट चल्न थालेको बताउँछन् ।'