म स्टार होइन : भूमि पेडनेकर
सन् २०१९ मा बलिउड अभिनेत्री भूमि पेड्नेकरले खेलेका तीन फिल्म हिट भए । 'सांडकी आँख', 'बाला', 'पति पत्नी और वो' भन्दा अगाडि पनि भूमिले हिट फिल्मको स्वाद चाखिसकेकी छिन् । यसअघि 'ट्वाइलेट एक प्रेमकथा', 'शुभ मंगल सावधान'जस्ता हिट फिल्म गरेकी भुमी आफुलाई स्टार भन्न रुचाउँदिनन् ।
'म आफूलाई कहिल्यै स्टार भन्न सक्दिनँ होला । किनकि म लजालु स्वभावकी छु । तर, म के भन्नसक्छु भने मैले चाहेको फिल्म मैले गर्न पाएँ । अनि मलाई दर्शकले माया पनि गरिदिनु भएको छ । यसअर्थमा म सफल छु' उनले भारतीय मिडियालाई भनेकी थिइन् ।
भूमिलाई भने बलिउड दर्शकले स्टारका रुपमा लिन थालेका छन् । अब भूमि अभिनेता अक्षय कुमारसँग 'दुर्गावती' र 'डल्ली किट्टी और वो चमक्ते सितारे'मा देखिनेछिन् ।
