नेपाललाई सूर्यभक्त पतनादेवी- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

नेपाललाई सूर्यभक्त पतनादेवी

कान्तिपुर संवाददाता

काठमाडौँ — पत्रकार किशोर नेपाललाई यो वर्षको सूर्यभक्त पतनादेवी स्मृति राष्ट्रिय पत्रकारिता पुरस्कारबाट सम्मान गरिने भएको छ । 

प्रेस युनियन पूर्वी नवलपरासीद्वारा १५ वर्षअघि स्थापित पुरस्कार यो वर्ष नेपाललाई दिने निर्णय गरिएको युनियन अध्यक्ष वीरेन्द्र पराजुलीले जनाए । नेपालको प्रजातान्त्रिक आन्दोलनका योद्धा सूर्यभक्त र उनकी धर्मपत्नी पतनादेवीको स्मृतिमा छोरा मदनभक्त अधिकारीले राखेको अक्षयकोषबाट हरेक वर्ष एक पत्रकारलाई सम्मान गर्दै आएको छ ।


पुरस्कारमा २५ हजार रुपैयाँ र ताम्रपत्र रहेको छ । आउँदो साता सूर्यभक्त स्मृति दिवसका अवसरमा कावासोतीमा हुने एक कार्यक्रममा पुरस्कार वितरण गरिने युनियनले जनाएको छ ।

प्रकाशित : मंसिर १७, २०७६ १२:०१
प्रतिक्रिया
पठाउनुहोस्

रामकृष्णको ‘नजिक आउनुमा...’

कान्तिपुर संवाददाता

काठमाडौँ — लोकप्रिय गायक रामकृष्ण ढकालको ‘नजिक आउनुमा...’ गीत टुबोर्ग ओपन सेसन्स् २ मा सार्वजनिक भएको छ । ढकाल निकै प्रतिभाशाली गायक हुन् । ढकालले आफ्नो लामो सांगीतिक यात्रामा हालसम्म करिब ५ हजार बढी मौलिक गीत गाएका छन् । 

विसं २०५५ मा प्रवल गोर्खा दक्षिण बाहुद्वारा सम्मानित हुने प्रतिभामा सबैभन्दा सानो उमेरको उनी थिए । आफ्नो परिवारमा कुनै सांगीतिक पृष्ठभूमि नभएका ढकालले स्वरसम्राट्, नारायणगोपालको लोकप्रिय गीत गाउन थाल्दै आफ्नो सांगीतिक यात्रा सुरु गरेका थिए ।

करिब ३ दशकदेखिको निरन्तर मिहिनेत र धैर्यका साथ ढकालले आफ्नो नाम नेपाली आधुनिक संगीतको इतिहासमा लेख्न सफल भएका हुन् ।

नेपाली संगीत बजारमा हिट रहेका उनका सबै एल्बमले श्रोतालाई एकै समयमा मुस्कुराउने र रुवाउने गरेको छ । आफ्नो संगीतको जादू विश्वभर प्रस्तुत गरेका ढकालले टुबोर्ग ओपन सेसन्स्को मञ्चमा उनको हिट ‘नजिक आउनुमा...’ प्रस्तुत गरेका हुन् ।

टुबोर्ग ओपन सेसन्स् २ एक युट्युब सिरिज हो जसमा, विभिन्न प्रसिद्घ कलाकारहरूको स्टुडियोमा प्रत्यक्ष रेकर्ड गरिएको सिर्जना प्रस्तुत गरिन्छ । टुबोर्ग ओपन सेसन्स् सिजन १ मा ५१ वटा गीत च्यानल आरबिट्ररीमार्फत् युट्युबमा अपलोड गरिएको थियो जसले १ करोडभन्दा बढी भ्युज संकलन गरेको छ ।

प्रकाशित : मंसिर १७, २०७६ १२:००
पूरा पढ्नुहोस्
प्रतिक्रिया
पठाउनुहोस्
×