रामकृष्णको ‘नजिक आउनुमा...’

कान्तिपुर संवाददाता

काठमाडौँ — लोकप्रिय गायक रामकृष्ण ढकालको ‘नजिक आउनुमा...’ गीत टुबोर्ग ओपन सेसन्स् २ मा सार्वजनिक भएको छ । ढकाल निकै प्रतिभाशाली गायक हुन् । ढकालले आफ्नो लामो सांगीतिक यात्रामा हालसम्म करिब ५ हजार बढी मौलिक गीत गाएका छन् । 

ZenTravel

विसं २०५५ मा प्रवल गोर्खा दक्षिण बाहुद्वारा सम्मानित हुने प्रतिभामा सबैभन्दा सानो उमेरको उनी थिए । आफ्नो परिवारमा कुनै सांगीतिक पृष्ठभूमि नभएका ढकालले स्वरसम्राट्, नारायणगोपालको लोकप्रिय गीत गाउन थाल्दै आफ्नो सांगीतिक यात्रा सुरु गरेका थिए ।

Meroghar


करिब ३ दशकदेखिको निरन्तर मिहिनेत र धैर्यका साथ ढकालले आफ्नो नाम नेपाली आधुनिक संगीतको इतिहासमा लेख्न सफल भएका हुन् ।

नेपाली संगीत बजारमा हिट रहेका उनका सबै एल्बमले श्रोतालाई एकै समयमा मुस्कुराउने र रुवाउने गरेको छ । आफ्नो संगीतको जादू विश्वभर प्रस्तुत गरेका ढकालले टुबोर्ग ओपन सेसन्स्को मञ्चमा उनको हिट ‘नजिक आउनुमा...’ प्रस्तुत गरेका हुन् ।

टुबोर्ग ओपन सेसन्स् २ एक युट्युब सिरिज हो जसमा, विभिन्न प्रसिद्घ कलाकारहरूको स्टुडियोमा प्रत्यक्ष रेकर्ड गरिएको सिर्जना प्रस्तुत गरिन्छ । टुबोर्ग ओपन सेसन्स् सिजन १ मा ५१ वटा गीत च्यानल आरबिट्ररीमार्फत् युट्युबमा अपलोड गरिएको थियो जसले १ करोडभन्दा बढी भ्युज संकलन गरेको छ ।

प्रकाशित : मंसिर १७, २०७६ १२:००
ADVERTISEMENT
प्रतिक्रिया
पठाउनुहोस्
ADVERTISEMENT

मुआब्जा निर्धारणमा असन्तुष्टि जनाउँदै गाउँपालिका कार्यालयमा तालाबन्दी, बजार र यातायात बन्द

हरिराम उप्रेती

गोरखा — मुआब्जा निर्धारणमा असन्तुष्टि जनाउँदै बुढीगण्डकी डुवान प्रभावितले आरुघाट गाउँपालिका कार्यालयको मुख्य प्रवेशद्वारमा तालाबन्दी गरेका छन् । बिहान १० बजे गाउँपालिकाको मुख्य प्रवेशद्वारमा ताला लगाइएको डुबान प्रभावित आरुघाटका दिनेश ढकालले बताए ।

‘गाउँपालिका पनि राज्यको अंग हो, सरकारले गरेको अन्यायको बिरोधमा तालाबन्दी गरेका हौँ,’ उनले भने।

सरकारले आइतबार निर्धारण गरेको मुआब्जामा असन्तुष्टि जनाउँदै आरुघाटका प्रभावितले सोमबार दिउसोबाट बजार बन्द गराएका छन्। सोमबार साझ राके जुलुस निकालेर मुआब्जा स्थानीयले बिरोध जनाए। मंगलबार बिहानैदेखि आरुघाट बजार बन्द छ भने बैंक तथा बित्तिय संस्था, सरकारी कार्यालय बन्द छन्। सार्वजनिक र नीजि सवारी साधनसमेत स्थानीयले चल्न दिएका छैनन्।

‘करेसबारीको पनि ५० हजार दिने रे, सारै मर्का पर्ने किसिमले मुआब्जा निर्धारण भएको छ,’ प्रभावित ढकालले भने, ‘राज्यको ब्यवहार चित्त वुझेन।’ मुआब्जा पुनरावलोकन नभए फुकुवा गर्नु पर्ने प्रभावितको माग छ। ‘यहि मुल्य दिने हो भने हामी लालपुर्जा दिदैनौँ, सहि मुआब्जा दिनुपर्‍यो नत्र हाम्रो जग्गा फुकुवा गरियोस्,’ ढकालले भने।

लामो रस्साकस्सी बुढीगण्डकी डुबान क्षेत्र अन्तर्गत बजार क्षेत्रको मुआब्जा निर्धारण आइतबार राती भएको थियो। आरुघाट र आर्खेत तथा धादिङको खहरमो जग्गाको मुआब्जा सोमबार बिहान सार्वजनिक गरिएको थियो। त्यस क्षेत्रका जग्गालाई बर्गिकरण गरि आनाको न्यूनतम ५० हजार देखि अधिकतम सात लाख सम्म मुआब्जा निर्धारण गरिएको छ। प्रभावितले भने आनाको २५ लाख रुपैंया पाउनुपर्ने माग राख्दै आएका थिए।

आरुघाट गाउँपालिका अध्यक्ष पूर्ण दाहालले डुवान प्रभावितसँग अहिले केहिबेरमा छलफलमा बस्ने बताए।

प्रकाशित : मंसिर १७, २०७६ ११:५६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×