मंकी टेम्पलको ‘हराउन चाहन्छु’

मंकी टेम्पलको चौथो स्टुडियो एल्बम ‘अजम्बरी’ को तेस्रो गीत ‘हराउन चाहन्छु...’ अमेरिकी ब्यान्ड ‘क्यान्डल बक्स’ का पिटर क्लेटले रिमिक्स तथा रि–मास्टर गरेका हुन् भने गितारिस्ट दिपेश श्रेष्ठले संगीत भरेका हुन् । मंकी टेम्पलको नियमित सांगीतिक विधाभन्दा ‘हराउन चाहन्छु’ केही फरक आर एन्ड बी शैलीको रहेको छ । मंकी टेम्पल देशकै पहिलो अल्टरनेटिभ रक ब्यान्डहरूमध्ये एक हो ।

ब्यान्डमा भोकल्स तथा रिदम गीतारमा सरिन देउजा, लिड गितारमा दिपेश श्रेष्ठ, बेस गितारमा जेनिस महर्जन र ड्रम्समा प्रताप रिसाल रहेका छन् ।