बेला संसारकै सर्वाधिक सुन्दरी

सुन्दरताको उक्त अनुपातलाई प्राचीन ग्रिकको ब्युटी फी नामक एक संयक्तमार्फत् चेकजाँच गर्ने गरिन्छ ।

सुन्दरताको उक्त परीक्षणमा ओठको आकारप्रकार, नाक, चिउँडो र दन्त– लहरसहित अनुहारको बनावटलाई हिसाबकिताब गर्ने गरिन्छ । बेलाको अनुहार सर्वाधिक म्याच भएको हो । जसमा अनुहारको आकारका लागि ९४ दशमलब ५ प्रतिशत, आँखा ९७ दशमलब ६५, ओठका लागि ९४ दशमलब एक प्रतिशत म्याच भएको थियो भने चिउँडोले सर्वाधिक ९९ दशमलब सात प्रतिशत अंक पाएको थियो । हार्ली स्ट्रिट क्लिनिक सर्जन डा. जुलियन डी शिल्भाले निकालेको सर्वाधिक सुन्दर महिलाको उत्कृष्ट दसको सूचीमा अहिलेका सेलिब्रेटीहरूको अनुहारलाई डिजिटल फेसियल म्यापिङका आधारमा जाँचिएको थियो । जसमा गायिका बियोन्सेले बेलाको भन्दा दुई प्रतिशत कम अंकसहित दोस्रो सुन्दर महिला बनेकी छन् भने अम्बर हर्ड तेस्रो स्थानमा परेकी छन् ।

त्यसैगरी, सर्वाधिक सुन्दर महिलाको सूचीमा एरिआना ग्रान्डी चौथो, टेलर स्विफ्ट पाँचौं, केट मस छैटौंमा परेका छन् भने स्कारलेट जोहान्सन, नतालिया पोर्टम्यान, केटी पेरी र कारा डेलेभिग्ने क्रमश: दस स्थानसम्म अटाएका छन् । लन्डनका फेसियल कस्मेडिक र प्लास्टिक सर्जन डा. डी सिल्भाले सुन्दर महिलाहरूको नाम सार्वजनिकपछि भनेका छन्, ‘भौतिक निपुर्णताका हरेक तत्त्वहरूको नापजाँचका आधारमा बेला प्रस्ट रूपमा संसारको सर्वाधिक सुन्दर महिला छानिएकी छन् ।’ समग्रमा बेला अघि देखिए पनि सर्वाधिक सुन्दर नाकमा अम्बरले सर्वाधिक अंक पाएकी छन् भने स्कारलेटको आँखा र काराको ओठ र आँखीभौं सर्वाधिक सुन्दर देखिएका हुन् । त्यसैगरी, बियोन्सेको अनुहारको आकार र केट मसको निधार सर्वाधिक त्रुटिरहित देखिएको थियो ।

तर बियोन्सेका फ्यानले भने बेला एक नम्बरमा परेकोमा चित्त बुझाएका छैनन् । एक ट्वीटर प्रयोगकर्ताले लेखेकी छन्, ‘जसले बेला र बियोन्सेलाई सुन्दरताको आधारमा यसरी तुलना गरिरहेका छन्, तिनले आफ्नो धारणा आफैंसँग राखून् ।’ त्यसो त सुपरमोडल बेलाले सन् २०१६ मा नै वर्षको मोडलको अवार्ड जितिसकेकी थिइन् ।