धुलिखेलमा सांगीतिक जात्रा

संस्थाले आफ्नो खर्चमा ३ जना दृष्टिविहीनसहित ६ जनालाई सांगीतिक प्रशिक्षण दिँदै आएको छ । शनिबार दृष्टिविहीन प्रवीण तामाङ, सरोज विक, शिवराज विक र साजन सोनार, दिनेश परियार र सुष्मा परियारले पनि सांस्कृतिक प्रस्तुति दिए । स्थानीय सञ्जीवनी माध्यमिक विद्यालयमा पढ्दै आएका दृष्टिविहीन प्रवीण गायनसँगै गितार पनि बजाउँछन् ।

दृष्टिविहीन शिवराज गाउँछन् भने सरोज क्याजोन बजाउँछन् । सुष्मा गाउँछिन्, दिनेशले गितार र साजन बाँसुरी बजाउँछन् । ६ जनाको प्रशिक्षणको निरन्तरताका लागि स्रोत जुटाउन कन्सर्ट गरिएको अध्यक्ष श्रेयविक्रम ब्याञ्जुले जनाए ।