'कबिर सिंह' को सफलतापछि शाहिद कपुरको पारिश्रमिक २१ करोड
मुम्बई — भारतीय सिने उद्योगमा अभिनेता शाहिद कपुर अभिनित चलचित्र 'कबिर सिंह' ले धुम मच्चाइरहेको छ । रिलिजको ११ दिनमा चलचित्रले १९० करोड भारु कलेक्सन गरिसकेको छ । फिल्मले २ सय करोड भारु 'कलेक्ट' गर्ने निश्चित प्रायः छ ।
६० करोडको लगानीमा बनेको फिल्मले ३ सय प्रतिशत मुनाफा दिन्छ भने शाहिदको पारिश्रमिक नबढ्ने त कुरै भएन।त्यही भएर निर्मताहरु उनीमाथि लगानी गर्न इच्छुक छन् ।
लामो समयपछि सोलो हिट चलचित्र दिएका शाहिदले आफ्नो पारिश्रिमक बढाएको भारतीय सञ्चारमाध्यमहरुले जनाएका छन् । 'पद्मावत' र 'कबिर सिंह' को सफलतापछि शाहिद बलिउडमा छाएका छन्।
धेरै निर्मताहरुले उनलाई फिल्मका लागि अफर गरिरहेका छन् । समाचारका अनुसार शाहिदले आफ्नो पारिश्रमिक बढाएर २१ करोड भारु पुर्याएका छन् । 'कबिर सिंह' भन्दाका अघिल्ला फिल्महरुमा शाहदिले एउटा चलचित्रमा अभिनय गरे बापत १० देखि १५ करोड भारु पारिश्रमिक लिदै आएका थिए ।
शाहिद यतिबेला करण जोहरको धर्मा प्रोडक्सनले निर्माण गर्न लागेको एक चलचित्रमा अनुबन्धित भइसकेको भारतीय सञ्चारमाध्यमहरुले बताएका छन् । शाहिदको सन् २००३ को 'इश्क भिस्क' चलचित्रबाट बलिउडमा प्रवेश गरेका थिए ।
यो पनि पढ्नुहोस्ः
'कबिर सिंह' को पहिलो हप्ताको कमाइ १३४ करोड भारु
प्रकाशित : असार १८, २०७६ १६:३८