‘बच्चाहरुको भविष्य उज्ज्वल’

कान्तिपुर संवाददाता

काठमाडौँ — एक सय सत्तरीभन्दा बढी फिल्म खेलिसकेका राजेश हमाल पछिल्लो समय रंगमञ्चतिर पनि तानिएका छन् । ६ वर्षअघि मात्रै रंगमञ्च यात्रा सुरु गरेका उनी काँडाघारीस्थित अक्षरा स्कुलको अभि थिएटरमा भेटिए ।

तीन दिनदेखि जारी ‘काठमाडौं अक्षरा अन्तर्राष्ट्रिय बाल नाटक महोत्सव’ को दोस्रो संस्करणमा उनी बालबालिकालाई उत्प्रेरणा दिन पुगेका हुन् ।

डेनमार्कको बाल कलाकारहरूको प्रस्तुति ‘टुमरो’ र श्रीलंकाको ‘पोभर्टी’ नाटक हेरेपछि उनले भने, ‘बच्चाहरू पनि ग्लोबल वार्मिङ, पुनरुत्पादन, भविष्यसम्बन्धी जनचेतना फैलाउने खालको नाटक गर्ने भइसकेछन् । उनीहरूको भविष्य उज्ज्वल छ ।’ डेनमार्कको ‘सिन एन’ समूहले प्रस्तुति रहेको ‘टुमरो’ मा विद्यार्थीहरूले भविष्यप्रतिको खतरा औंल्याएका थिए । नाटकको निर्देशन पर्निल हगसने, स्टीन हगसेन, हेनरिट आरुपले गरेका हुन् । नाटकमा भिग्गा फाइन्ड लुम्बाइ, इनग्रिड असाम्ब्रेन बोहर, लिभा लुन्ड माडसेन, डेभिड प्रामाण, मारिया लियरस्कोभ, नेदगार्ड हगसेन लगायतले अभिनय गरेका थिए ।

‘पोभर्टी’ को लेखन तथा निर्देशन सच्रिन रहुनाडाले गरेका हुन् । यो नाटकमा महिला र पुरुषबीचको विभेद देखाइएको थियो । संवादको प्रयोग नगरिएको नाटकमा सचित्र अनुपमा रहुवडा, एस्मी, चन्दिमा, नभिन्दलगायतले अभिनय गरेका थिए ।

महोत्सवको दोस्रो दिन जर्मनीका तर्फबाट ‘कलरफुल थु्र द वल्र्ड’ र स्लोभाकियाका तर्फबाट ‘कोलोटोक’ को मञ्चन भयो । महोत्सव मंगलबार समापन हुँदै छ ।

प्रकाशित : जेष्ठ १५, २०७५ ०८:४७
ADVERTISEMENT
प्रतिक्रिया
पठाउनुहोस्
ADVERTISEMENT

रिजु भइन् “मिस नेवा:”

कान्तिपुर संवाददाता

काठमाडौँ — १६ प्रतिस्पर्धीलाई पछि पार्दै काठमाडौंकी रिजु मानन्धरले ‘मिस नेवा:’ को १३ औं संस्करण जितेकी छन् । पब्लिक च्वाइस अवार्डसमेत जितेकी उनले ताजसहित २० हजार रुपैयाँ पाइन् ।

प्रतियोगितामा डा. सरिसा श्रेष्ठ फस्र्ट रनरअप भइन् र १५ हजार रुपैयाँ प्राप्त गरिन् । मतिना मानन्धरले सेकेन्ड रनरअपको उपाधिसहित १० हजार रुपैयाँ पाइन् । मतिनाले मिस पर्सनालिटीको टाइटलसमेत जितिन् ।

सृष्टि शाक्यले पाँच हजार रुपैयाँसहितको मिस ट्यालेन्टको टाइटल जितिन् । अञ्जु श्रेष्ठले बेस्ट ड्रेस र बेस्ट हेयर, सरिना महर्जन उत्कृष्ट नेपाल भाषा, सन्ध्या श्रेष्ठ बेस्ट स्किन, मिलु श्रेष्ठ मिस डिसिप्लिन, बिना महर्जन बेस्ट स्माइल, प्रदिका श्रेष्ठ मिस फ्रेन्डसिप, उस्मी श्रेष्ठ मिस फोटोजेनिक, राधा श्रेष्ठ बेस्टवाक र पस्मिना शाक्य सोसल वेलफेयर एम्बेसडर चिफको टाइटल पाए । सरिसा श्रेष्ठ तथा प्रज्ञा श्रेष्ठ सोसल वेलफेयर एम्बेसडरतर्फको फस्ट रनरअप तथा सेकेण्ड रनरअप भए । परम्परागत संस्कृति र ज्ञान नयाँ पुस्तामा हस्तान्तरण गर्ने ध्येयले डेढ दशकदेखि प्रतियोगितालाई निरन्तरता दिँदै आएको आयोजक नेप्लिज फेसन होमकी अध्यक्ष हेमा मानन्धरले जनाइन् ।

प्रकाशित : जेष्ठ १५, २०७५ ०८:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×