यलमायामा आशा- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

यलमायामा आशा

कान्तिपुर संवाददाता

ललितपुर — यलमाया क्लासिकको १३६ औं शृंखलामा गायिका आशा थापा प्रस्तुत भएकी छन् । उनले राग मारु विहागमा बडा ख्याल, छोटा ख्याल प्रस्तुत गरिन् भने राग पहाडीमा आधारित ठुमरी पनि सुनाइन् ।

श्रीकृष्ण गुरुकुल संगीत पाठशालाकी चेली तथा त्रिभुवन विश्वविद्यालयमा संगीतमै स्नातकोत्तर अध्ययनरत आशाले करिब सवा घण्टासम्म गाइरहिन् । उनलाई तबलामा उनकै गुरु तिलकसिंह पेलाले साथ दिएका थिए । ‘आज म जुन अवस्थामा यहाँहरूसमक्ष प्रस्तुत हुन सक्षम भएकी छु,’ आशा भन्दै थिइन्, ‘यसको श्रेय मेरा गुरुलाई नै जान्छ ।’

साँझ ढल्दै गर्दा आशा बन्दिस गाउँदै थिइन् : 
हेर आज फेरी साँझ ढल्यो
यसरी नै मेरो जीवनको हरेक पल बित्यो...

 

प्रकाशित : आश्विन ९, २०७४ १०:१२
प्रतिक्रिया
पठाउनुहोस्

राजेशको दोस्रो

कान्तिपुर संवाददाता

काठमाडौं — गायक/संगीतकार राजेश चाम्लिङ दोस्रो एल्बम ‘अभ्यर्थना’ सहित श्रोतामाझ आएका छन् । राजधानीमा शनिबार नेपाल संगीत तथा नाट्य प्रज्ञा प्रतिष्ठानका सदस्य सचिव गणेश रसिक, गीतकार अशोक वान्तवा लगायतले एल्बम लोकार्पण गरे ।

सदस्य सचिव रसिकले राजेशका गीतहरू मन छुने खालका रहेको बताए । एल्बममा ‘मेरी आमा’, ‘डेटिङ’, ‘प्रस्ताव’ र ‘नजानी नजानी’ बोलका गीत छन् । राजेश र सुयर्मा राईले लेखेका गीतमा डेनी निरौला र राजेशकै संगीत छ । ‘डेटिङ’ मा बिना राईले स्वरमा साथ दिएकी छन् ।

राजेशको यसअघि ‘स्पर्श’ एल्बम बजारमा आएको थियो ।

प्रकाशित : आश्विन ९, २०७४ १०:१२
पूरा पढ्नुहोस्
प्रतिक्रिया
पठाउनुहोस्
×