काठमाडौँ — क्यानडा–नेपाल मैत्री तथा सांस्कृतिक समाजका संस्थापक कवि मानकाजी श्रेष्ठले समुदायमा पुर्याएको सहयोग तथा सहकार्यका निम्ति ‘अनरेबल मेन्सन’ सम्मान पाएका छन् ।
ब्रिटिस कोलम्बियाको सरी सहरको सामुदायिक पत्रिका ‘सरी नाउ लिडर’ पत्रिकाले स्थानीय समुदायमा दुई दशकयता सहयोगी–समन्वयी रहेका श्रेष्ठलाई विशेष सम्मान प्रदान गरेको हो । सरी सहरकी मेयर ब्रन्डा लकीले श्रेष्ठलाई सम्मानित गरेकी थिइन् ।