अमेरिकामा नेपाली साहित्य साँझ- प्रवास - कान्तिपुर समाचार
कान्तिपुर वेबसाईट
AdvertisementAdvertisement

अमेरिकामा नेपाली साहित्य साँझ

विभिन्न व्यक्ति पुरस्कृत
कान्तिपुर संवाददाता

काठमाडौँ — संयुक्त राज्य अमेरिकाको विस्कन्सिन राज्यस्थित म्याडिसन सहरमा १६औं वार्षिक नेपाली साहित्य साँझ आयोजना गरिएको छ । नेपाली अमेरिकी मैत्री संघ (नाफा)ले गरेको कार्यक्रममा विभिन्न व्यक्तिहरुलाई पुरस्कार प्रदान गरियो ।

कार्यक्रममा कविता प्रतियोगिताअन्तर्गत प्रथम स्थान हासिल गर्ने लेखनाथ काफ्ले, दोस्रो स्थान हासिल गर्ने जीवन खड्का र तेस्रो स्थान हासिल गर्ने अप्सरा गिरीलाई 'विजय मल्ल साहित्य पुरस्कार' मार्फत पुरस्कृत गरियो ।

'विजय मल्ल साहित्य पुरस्कार' प्रतियोगिताका लागि बाह्य निर्णायकको रुपमा नेपालबाट धीरेन्द्र प्रेमर्षि, विनोद अधिकारी, सुलोचना मानन्धर धिताल र आन्तरिक निर्णायकहरूमा मित्र पौडेल, सीता अर्याल तथा गंगा श्रेष्ठले थिए । विजय मल्ल साहित्य पुरस्कारका प्रतियोगीहरूका कविता वाचन पश्चात निर्णायक धीरेन्द्र प्रेमर्षिले मन्तव्य राखेका थिए ।

सहभागी प्रतियोगी सबैलाई नगद तथा प्रमाण पत्र प्रदान गरिएको थियो । नाफाद्वारा प्रायोजित 'सगरमाथा प्रज्ञा पुरस्कार' आविष्कार भारतीलाई प्रदान गरिएको थियो । सोही अवसरमा सीता अर्याल, एकबहादुर क्षत्री, राजेन्द्र अर्याल, श्री दिनार श्रेष्ठ, अबिमन पसछें, कृष्ण सिजापति र राधा सिजापतिद्वारा 'अपराध–सुधार' (अन्तर्राष्ट्रिय कवितासंग्रह) को पनि लोकार्पण भएको थियो ।

प्रकाशित : मंसिर २९, २०७९ १६:१२
प्रतिक्रिया
पठाउनुहोस्

विदेशी मुद्रा सञ्चितिमा सुधार, ८.४ महिनाको वस्तु तथा सेवा आयात धान्ने

कान्तिपुर संवाददाता

काठमाडौँ — मुलुकको विदेशी मुद्रा सञ्चितिमा सुधार देखिएको छ । नेपाल राष्ट्र बैंकले सार्वजनिक गरेको वित्तीय विवरणअनुसार असारको तुलनामा कात्तिक मसान्तसम्म आउँदा विदेशी मुद्रा १ प्रतिशत डलर बराबर वृद्धि भएको हो ।

असार मसान्तमा ९ अर्ब ५४ करोड अमेरिकी डलर बराबर रहेको सञ्चिति असोज मसान्तमा ९ अर्ब ६३ करोड डलर कायम भएको हो । नेपाली मुद्रामा भने कुल विदेशी मुद्रा सञ्चिति १२ खर्ब ४६ अर्ब २७ करोड रहेको राष्ट्र बैंकले जनाएको छ ।

कुल विदेशी विनिमय सञ्चितिमध्ये राष्ट्र बैंकमा १० खर्ब ९१ अर्ब २२ करोड रुपैयाँ बराबर छ भने बैंक तथा वित्तीय संस्थाहरुसँग १ खर्ब ५५ अर्ब ५ करोड रुपैयाँ बराबर छ । हालको आयातलाई हेर्दा यो सञ्चितिले ९.७ महिनाको वस्तु आयात र ८.४ महिनाको वस्तु तथा सेवा आयात धान्न पुग्ने राष्ट्र बैंकले जनाएको छ । विदेशी मुद्रा सञ्चितिमा भारतीय मुद्राको अंश २३.५ प्रतिशत छ ।


प्रकाशित : मंसिर २९, २०७९ १६:०९
पूरा पढ्नुहोस्
प्रतिक्रिया
पठाउनुहोस्
×