अस्ट्रेलियामा भाइटीकाको रौनक- प्रवास - कान्तिपुर समाचार
कान्तिपुर वेबसाईट
AdvertisementAdvertisement
तस्बिरहरू

अस्ट्रेलियामा भाइटीकाको रौनक

नारायण खड्का

अस्ट्रेलिया — अस्ट्रेलियामा यस वर्ष तिहार धुमधामसँग मनाइएको छ । अस्ट्रेलियाका सहरी क्षेत्रका साथै ग्रामीण भेगमा रहेका नेपालीले उल्लाससहित भाइटीका लगाएका छन् ।

दुई वर्षसम्म कोरोना संक्रमणका कारण आफ्नो चाडपर्व मनाउन नपाएका नेपालीले यस वर्षको तिहारलाई धुमधामसँग मनाएका छन् ।

नेपालमा दाजुभाइ भएका चेलीले आफन्त वा अन्य कसैलाई दाजुभाइ बनाएर समेत तिहारको टीका थापे भने कसैले आफ्नै छोरीबाट समेत टीका लगाएका थिए ।

यस वर्ष अस्ट्रेलियामा सोमबार र मंगलबार दुईदिन लक्ष्मीपूजा गरिएको थियो भने ६ राज्य तथा २ टेरिटोरी रहेको अस्ट्रेलियाको सहरी क्षेत्र मात्र नभएर ग्रामीण भेग समेत दीपावलीले रंगीन बनेको थियो ।

विभिन्न राज्यमा देउसीभैलो प्रतियोगिता समेत आयोजना गरिएको थियो विभिन्न संघसंस्थाले तिहारको अवसरमा विभिन्न सामूहिक कार्यक्रम आयोजना गरिएको थियो ।

यस वर्ष यहाँ रहेका दोस्रोपुस्ताका नेपालीमा तिहारको रौनक अलग देखिएको थियो । साना बालबालिकादेखि युवाहरुले समेत तिहार धुमधामसँग मनाएका थिए । उनीहरुले आफ्ना चेलीबाट टीका थाप्नुका साथै देउसीभैलो समेत खेलेका थिए ।

प्रकाशित : कार्तिक १०, २०७९ १३:५८
प्रतिक्रिया
पठाउनुहोस्

यसपटक राष्ट्रपतिले लगाइदिइनन् भाइटीका

कान्तिपुर संवाददाता

काठमाडौँ — राष्ट्रपति विद्यादेवी भण्डारीले यस वर्षको तिहारमा भाइटीका लगाइदिइनन् ।

राष्ट्रपति भण्डारीको माइतीघरमा मरणाशौच परेकाले भाइहरूलाई टीका नलगाइदिएको राष्ट्रपति कार्यालयले जनाएको छ ।

उनका तीन जना भाइमध्ये दुई अमेरिका र एक नेपालमै छन् ।

प्रकाशित : कार्तिक १०, २०७९ १३:२६
पूरा पढ्नुहोस्
प्रतिक्रिया
पठाउनुहोस्
x
×