बनारसमा नेपाल–भारत सांस्कृतिक कार्यक्रम- प्रवास - कान्तिपुर समाचार
कान्तिपुर वेबसाईट
AdvertisementAdvertisement

बनारसमा नेपाल–भारत सांस्कृतिक कार्यक्रम

कान्तिपुर संवाददाता

नयाँ दिल्ली — नेपाल–भारतबीचको सांस्कृतिक सम्बन्धलाई उजागर तथा थप सुदृढ गर्ने उद्देश्यले शनिबार बनारसमा दुई देशबीचको सांस्कृतिक आदानप्रदान कार्यक्रम गरिएको छ । बीपी कोइराला इन्डिया नेपाल फाउन्डेसन नयाँ दिल्लीको सहयोगमा कार्यक्रम गरिएको हो । 

नेपालका तर्फबाट देउडा, तामाङ, मारुनी शैलीका नृत्य, गायन प्रस्तुत गरिएको थियो । त्यस्तै, भारतका कलाकारहरुले भारत नाट्यम, कत्थकलगायतका प्रस्तुति दिएका थिए । नेपाली सांस्कृतिक टोलीको नेतृत्व उमेश शाहीले तथा भारतीय पक्षको नेतृत्व कत्थक नृत्यकार शिव आनन्दले गरेका थिए ।

कार्यक्रममा दिल्लीस्थित नेपाली दूतावासका अधिकारीहरुसहित बनारसका विभिन्न क्षेत्रका मानिसहरुको उपस्थिति थियो ।

कार्यक्रम संयोजन गरेकी पत्रकार तथा सामाजिक कार्यकर्ता रुची सिंहले यस कार्यक्रमले दुई देशका नागरिकस्तरबीच संस्कृति आदानप्रदानमा मद्दत पुग्ने विश्वास व्यक्त गरिन् ।

प्रकाशित : पुस १०, २०७८ २१:०१
प्रतिक्रिया
पठाउनुहोस्

आगामी साताको मौसम : अधिकांश भूभागमा अधिकतम र न्यूनतम तापक्रम घट्ने

रासस

काठमाडौँ — यो साता देशको अधिकांश भू-भागमा अधिकतम तथा न्यूनतम तापक्रम घट्ने भएको छ । पश्चिमी वायुको प्रभावले देशका धेरै स्थानमा आंशिकदेखि सामान्य बदली रही अधिकांश भू-भागमा अधिकतम तथा न्यूनतम तापक्रममा गिरावट आउने सम्भावना रहेको जल तथा मौसम विज्ञान विभागले जनाएको छ ।

फाइल तस्बिर


साताको सुरुमा देशको उच्च पहाडी तथा हिमाली भू-भागमा आंशिकदेखि सामान्य बदली रही केही स्थानमा हल्का हिमपातको सम्भावना रहेको छ ।

साताको मध्य तथा अन्त्यमा सामान्यदेखि पूर्णतया बदली रही धेरै स्थानमा हल्कादेखि मध्यम हिमपात र थोरै स्थानमा भारी हिमपातको समेत सम्भावना रहेको बताइएको छ ।

देशको पहाडी भू-भागमा साताको सुरुमा आंशिकदेखि सामान्य बदली रही प्रदेश नं १ तथा वागमती प्रदेशको एक/दुई स्थानमा हल्का वर्षा र साताको मध्य तथा अन्त्यमा सामान्यदेखि पूर्णतया बदली रही केही स्थानमा हल्कादेखि मध्यम वर्षा, थोरै स्थानमा मेघगर्जन चट्याङसहित वर्षा र एक/दुई स्थानमा असिनाको समेत सम्भावना छ ।

देशको तराईका भू-भागमा साताको मध्य तथा अन्त्यतिर सामान्यदेखि पूर्णातया बदली रही साताको मध्यमा थोरै स्थानमा हल्का वर्षा र साताको अन्त्यमा केही स्थानमा हल्कादेखि मध्यम वर्षाको सम्भावना रहेको विभागले जनाएको छ ।

प्रकाशित : पुस १०, २०७८ २०:४०
पूरा पढ्नुहोस्
प्रतिक्रिया
पठाउनुहोस्
×