कांग्रेसको नेदरल्याण्ड जनसम्पर्क समितिमा गौतम- प्रवास - कान्तिपुर समाचार

कांग्रेसको नेदरल्याण्ड जनसम्पर्क समितिमा गौतम

कान्तिपुर संवाददाता

काठमाडौँ — कांग्रेसको जनसम्पर्क समिति नेदरल्याण्डको अध्यक्षमा शालिक गौतम चयन भएका छन् । आइतबार सम्पन्न छौटौं अधिवेशनले गौतम नेतृत्वमा १७ सदस्यीय कार्यसमिति सर्वसम्मत चयन गरेको हो । अधिवेशनबाट उपाध्यक्षद्वयमा चन्द्र पौडेल र तेजेन्द्र केसी चयन भएका छन् ।

यस्तै महामन्त्रीद्वयमा जितेन्द्र श्रेष्ठ र शान्ति थोकर, कोषाध्यक्षमा राजु श्रेष्ठ, सहमहामन्त्री विमा पौडेल छन् भने सदस्यहरूमा विष्णु बास्तोला, अमित कार्की, शिव रिजाल, दीपक आचार्य, पवन लामिछाने, सीता थापा, विष्णु पोखरेल, जय पुन, अनिमेश पुर्जा, गोविन्द चौधरी र मिन थापा चयन भएका छन् ।

पार्टीको क्रियाशील सदस्यता पाँच सय नपुगेकाका कारण महाधिवेशन प्रतिनिधि भने आउन सकेनन् । अध्यक्ष गौतम महासमिति सदस्य भएका छन् । महाधिवेशनका लागि खुसीजंग गुरुङ, नारायण आचार्य र किरण अर्याललाई चयन गरिएको छ ।

प्रकाशित : मंसिर २०, २०७८ १७:५४
प्रतिक्रिया
पठाउनुहोस्

विवाहको भोज खान गएका वृद्ध मृत भेटिए

विप्लव महर्जन

सल्यान — सल्यानको दार्मा गाउँपालिकास्थित विवाहको भोज खान गएका एक वृद्ध मृत अवस्थामा फेला परेका छन् । छिमेकीको घरमा विवाहको भोज खान गएका दार्मा गाउँपालिकाको पाजाखोलाका ७० वर्षीय टेकबहादुर खत्री छिमेकीको खाली घरमा मृत अवस्थामा भेटिएका हुन् ।

खत्री आइतबार बेलुकी गाउँकै छिमेकीको विवाहको भोज खान गएका थिए । स्थानीयको कोही नबस्ने खाली घरमा खत्री सोमबार मृत अवस्थामा भेटिउका हुन् ।

जिल्ला प्रहरी कार्यालय सल्यानका सूचना अधिकारी तथा प्रहरी प्रवक्ता प्रहरी निरीक्षक अर्जुन पौडेलका अनुसार घटनाबारे विवरण लिन घटनास्थलतर्फ प्रहरी टोली पुगेको छ ।

इलाका प्रहरी कार्यालय थारमारेबाट प्रहरी टोली घटनास्थलतर्फ गएको र घटनाको अनुसन्धान भइरहेको प्रहरी निरीक्षक पौडेलले जानकारी दिए । उनका अनुसार मृतकको शरीरमा कुनै चोट पटक छैन । यद्यपि उनको स्वभाविक मृत्यु वा हत्या भन्नेबारे अनुसन्धान गरिने प्रहरीले जनाएको छ ।

प्रकाशित : मंसिर २०, २०७८ १७:५४
पूरा पढ्नुहोस्
प्रतिक्रिया
पठाउनुहोस्
x
×