नेपाली वेलफेयर सोसाईटी यूके अध्यक्षमा सार्की- प्रवास - कान्तिपुर समाचार

नेपाली वेलफेयर सोसाईटी यूके अध्यक्षमा सार्की

कान्तिपुर संवाददाता

लन्डन — नेपाली वेलफेयर सोसाईटी यूकेको दोस्रो अधिवेशनले धनबहादुर सार्कीलाई पुन: अध्यक्षमा निर्वाचित गरेको छ । शनिबार लन्डनमा सम्पन्न अधिवेशनले ९ सदस्यीय नयाँ कार्यसमिति निर्वाचित गरेको हो । अध्यक्ष सार्की एनआरएनए यूकेको पूर्व कार्यसमिति सदस्य हुन् ।


नयाँ कार्यसमितिमा उपाध्यक्ष तेजेन्द्र गुरुङ, महासचिव शम्सेर नेपाली, सचिव बुद्धिबहादुर रुचाल, कोषाध्यक्ष धविन्द्र बौडेल, सहकोषाध्यक्ष किरण नेपाली तथा सदस्यहरुमा सन्जय नेपाली, आशादेवी रोका र इलिजा बस्याल नेपाली निर्वाचित भएका छन् ।

प्रमुख निर्वाचन आयुक्त गोपाल रोकाले नयाँ कार्यसमिति चयन भएको घोषणा गर्दै शपथ खुवाएका थिए । सो संस्थाले स्थापनाको छोटो समयमै नेपालमा कोभिड महामारीका बेला विभिन्न सामाजिक कार्य गरेको थियो । संस्थाले नेपालका २१ जिल्लामा हजारौं नेपालीलाई लाखौं मूल्य बराबरको खाद्यान्न वितरण गरेको थियो ।

संस्थाले नेपालमा कलेजो, क्यान्सर पीडित बिरामीलाई आर्थिक सहयोग पनि गरेको छ । सोसाइटीले बेलायतको अल्डरसटमा पहिलो भिसी कुलवीर थापाको सालिक निर्माणमा पनि आर्थिक सहयोग गरेको थियो ।

प्रकाशित : मंसिर २०, २०७८ १६:२८
प्रतिक्रिया
पठाउनुहोस्

अमेरिकाका लागि प्रस्तावित राजदूतले भने- 'एमसीसीबारे दुवैतर्फबाट भ्रम फैलाइयो'

कान्तिपुर संवाददाता

काठमाडौँ — अमेरिकाका लागि प्रस्तावित राजदूत श्रीधर खत्रीले एमसीसीबारे नेपाल र अमेरिकाका अधिकारीले भ्रम फैलाएको बताएका छन् । उनले एमसीसी लिने वा नलिने भए प्रष्टसँग अमेरिकालाई भन्नुपर्ने सुझाव दिएका छन् ।


सोमबार संसदीय सुनुवाइका क्रममा श्रीधर खत्रीले भने, 'एमसीसी देशभित्रको विवादमा अल्झिएको पनि देखिन्छ । यो लिने हो भने प्रष्ट भने हुन्छ । नलिने भए पनि अमेरिकालाई प्रष्ट भने हुन्छ ।'

एमसीसी नेपालका र अमेरिकी अधिकारीका कारण विवादमा परेको उनको भनाइ थियो । प्राध्यापकसमेत रहेका प्रस्तावित राजदूत खत्रीले भने, 'अमेरिकाले पनि गल्ती गरेको छ । केही पहिले विदेश सहायकमन्त्री आउनुभएको बेला यसबारे उहाँसँग कुरा गरेको थियो । अमेरिकाको डिफेन्स सहायकमन्त्रीले इन्डोप्यासिफिकमा पर्छ भनेकाले भ्रम फैलिएको देखिन्छ,' उनले भने ।

संसदीय सुनुवाइको क्रममा खत्रीले यसबारे सुरुमा नै आफ्नो धारणा राखेका थिए । सांसदहरूले प्रश्न सोध्ने ठानेर नै आफूले यसबारे आफ्ना कुरा पहिले नै राख्नु उचित ठानेको उनको भनाइ थियो ।

एमसीसी संसद्‍बाट पारित गर्नुपर्ने कुरा कानुन, न्याय तथा संसदीय मामिलामन्त्रालयको प्रस्तावमा भएको कुरा पनि खत्रीले बताएका थिए । 'संसद्‍बाट पास गर्नुपर्ने कानुन मन्त्रालयले सुझाव दिएर गरियो । यो गर्ने हो भने त बीआरआई पनि पास गर्ने होला, समग्र संसद्‍बाट गर्ने देखिन्छ,' उनले ठूला लगानी र वैदेशिक सहयोगलाई संसद्‍बाट पारित गर्ने कुरा ठीक नभएको आशय व्यक्त गरेका थिए ।

नेपालले अमेरिकालाई नेपालको भौगोलिक अवस्थिति भारत र चीनबीचको बारेमा स्पष्ट पार्नुपर्ने पनि खत्रीको भनाइ थियो । 'अमेरकाले नेपालको चीन र भारत बीचको भौगोलिक अवस्थितिबारे बुझ्नुपर्छ । त्यसबारे हामीले बुझाउनुपर्छ । अमेरिकालाई नेपालको असंलग्नताको सिद्धान्त बुझाउनुपर्ने देख्छु,' उनले भने ।

प्रकाशित : मंसिर २०, २०७८ १६:२०
पूरा पढ्नुहोस्
प्रतिक्रिया
पठाउनुहोस्
x
×