न्यूयोर्कमा ६० जना हिमाल आरोही सम्मानित - प्रवास - कान्तिपुर समाचार

न्यूयोर्कमा ६० जना हिमाल आरोही सम्मानित 

कान्तिपुर संवाददाता

काठमाडौँ — नेपालका ६० जना हिमालआरोहीहरू अमेरिकामा सम्मानित भएका छन् । न्यूयोर्क राज्य सांसद जेनिफर राजकुमारले ती हिमाल आरोहीहरूलाई सम्मान गरेकी हुन् । न्यूयोर्कमा आयोजित विशेष समारोहमा आरोहीहरूलाई सम्मानपत्रबाट सम्मान गरिएको हो । सोही अवसरमा ‘युएस–नेपाल क्लाइम्बर्स एसोशिएसन' का स्वयंसेवकहरुलाई कदर पत्र प्रदान गरिएको थियो ।

कार्यक्रममा हिमाल आरोही शेर्पाहरूको अदम्य साहस, त्याग र इमानदारिताको सम्मान गर्दै न्यूयोर्क राज्यको राजधानी आल्बानीमा सगरमाथा दिवस मनाइने राज्य सांसद जेनिफरले घोषणा समेत गरिन् । मे २९ लाई राज्य सांसदबाटै सगरमाथा दिवसका रुपमा घोषणा गर्न राजकुमारले राज्य संसदमा एक रिजोलुसन पेश गर्दैछिन् । उनले अन्तरराष्ट्रिय सगरमाथा दिवसलाई यस वर्ष देखि न्यूयोर्कको राजधानी आल्बानीमा समेत मनाईने घोषणा गरिन्

कार्यक्रममा नेपाली महावाणिज्यदूत बिष्णुप्रसाद गौतमले सगरमाथा दिवसलाई न्यूयोर्कमा मान्यता दिएकोमा नेपाल सरकारको तर्फबाट धन्यवाद ज्ञापन गरे ।

नेपाल सरकारले मे २९ लाई अन्तरराष्ट्रिय सगरमाथा दिवसको रुपमा मनाउने निर्णय गरे पछि यस दिवसलाई विश्वका विभिन्न देशका पर्वतारोहीहरूले पनि मनाउदै आएका छन् ।

प्रकाशित : आश्विन २०, २०७८ १६:५५
प्रतिक्रिया
पठाउनुहोस्

एमाले सक्छु भन्‍नु पहरामा कुहिनो ठोक्नु हो: शंकर पोखरेल

केदार शिवाकोटी

दोलखा — नेकपा एमाले नेता शंकर पोखरेलले नेकपा समाजवादीका अध्यक्ष माधवकुमार नेपालले देशप्रति घात गरेको आरोप लगाएका छन् । चरिकोटमा बुधबार कार्यकर्ता भेलालाई सम्बोधन गर्दै नेता पोखरेलले यस्तो बताएका हुन् ।

माधव नेपाल कम्युनिस्ट आन्दोलन सक्ने बाटोमा लागेर एमाले छाडेको उनको आरोप थियो । ‘उहाँ सक्छु भनेर लाग्नु भएको छ । एमाले सक्नु भनेको पहरामा कुहिनो ठोक्नु हो । उहाँलाई थाहा छ,’ नेता पोखरेलले भने । नेपाललाई देश र जनताप्रति घात गरेर पार्टी छोडेर बाहिरिएको आरोपसमेत उनले लगाएका थिए ।

नेता नेपल र प्रचण्ड कम्युनिस्ट आन्दोलन सक्न कांग्रेसको पछि लागेको पनि उनको आरोप थियो । पोखरेलले भनेका छन्, ‘नेपाली कांग्रेस निराश बनेको थियो, माधव र प्रचण्डले आशा जगाइरहेका छन्,’ उनले भने ‘कम्युनिस्टको जनमतलाई घात गर्ने नेतालाई जनताले माफ दिने छैनन् ।’ देश बर्बादीतर्फ गएको जिम्मा नेपाल र प्रचण्डले लिनुपर्ने उनको जिकिर थियो । तर नेकपा एमाले भने विधान महाधिवेशनबाट थप बलियो बनेर आएको नेता पोखरेलले दाबी गरेका छन् ।

प्रकाशित : आश्विन २०, २०७८ १६:५४
पूरा पढ्नुहोस्
प्रतिक्रिया
पठाउनुहोस्
×