सल्यानका राउटे परिवारलाई लन्डनबाट सहयोग- प्रवास - कान्तिपुर समाचार

सल्यानका राउटे परिवारलाई लन्डनबाट सहयोग

कान्तिपुर संवाददाता

काठमाडौँ — लन्डन । सल्यानस्थित सल्लीबजार नजिक रहेका राउटे परिवारलाई लन्डनस्थित एक व्यवसायीले विभिन्न सामग्री सहयोग गरेका छन् ।

चिसिँदो मौसमलाई मध्यनजर गर्दै दयनीय जीवनशैली बिताइरहेका ४६ राउटे परिवारका १४१ जनालाई शुक्रबार एक कार्यक्रमबीच व्यवसायी रवीजंगले लामिछाने टेन्ट, म्याट्रेस, ब्ल्यांककेट, चप्पल, साबुन, आंटालगायत सामग्री प्रदान गरेका हुन् ।

ती सामग्री राष्ट्रिय सभा अध्यक्ष गणेश तिमिल्सिनाले राउटे परिवारलाई हस्तान्तरण गरेका हुन् ।

कार्यक्रममा अध्यक्ष तिमिल्सिनाले राउटे जातिको जीवनस्तर सुधार्न दीर्घकालिन योजनामा जोड दिए । उनले अहिलेसम्मका सरकारले राउटेको जीवनस्तर सुधारेर सामाजिकीकरण गर्ने सवालमा ठोस् योजना ल्याउन नसकेको पनि बताए । 'राउटेहरुको भाषा, संस्कृति, धर्म, रीतिरिवाज संरक्षण गरेर उनीहरुको जीवनस्तर रुपान्तरण गर्न जरुरी छ, उनीहरुलाई सहयोगका नाममा अरुले फाइदा लिइरहेका छन्', अध्यक्ष तिमिल्सिनाले भने ।

सहयोग वितरण कार्यक्रममा सल्यान र सुर्खेतका प्रमुख जिल्ला अधिकारी, स्थानीय मेयर, प्रदेश सांसद, प्रहरी प्रमुखलगायत सहभागी थिए ।

रविचन्द्र ट्रष्ट नेपालका संस्थापक अध्यक्ष लामिछानेले अहिले ट्रष्टमार्फत ४० जना अनाथ जेहेन्दार बालबालिकालाई नेपालका विभिन्न जिल्ला पर्वत, दाङ, गोरखाको बोर्डिङ स्कुलमा पढाइरहेका छन् ।

प्रकाशित : आश्विन २, २०७८ १४:५०
प्रतिक्रिया
पठाउनुहोस्

जुवाखालबाट लाखौँ नगदसहित २० जना पक्राउ

रासस

काठमाडौँ — काठमाडौंको जोरपाटीमा जुवाखालबाट लाखौँ नगदसहित २० जनालाई प्रहरीले पक्राउ गरेको छ । उनीहरुबाट प्रहरीले चार लाख ७५ हजार बरामद गरेको छ । जुवातास खेलिरहेका अवस्थामा उनीहरुलाई महानगरीय प्रहरीवृत्त बौद्धको प्रहरी टोलीले पक्राउ गरेको हो ।

महानगरीय प्रहरी परिसर काठमाडौंका अनुसार गोकर्णेश्वर नगरपालिका–५ जोरपाटीको चामुण्डागेटस्थित तिब्बतीयन क्याम्पभित्र धावा ढुण्डुपको घरमा जुवा खेल्दै गरेका २० जना पक्राउ परेका प्रहरी उपरीक्षक रमेशकुमार बस्नेतले जानकारी दिए । उनीहरुका साथबाट क्यासिनोमा प्रयोग हुने ४६४ थान क्वाइन, विभिन्न व्यक्तिका नाममा काटेको २८ वटा चेक र १०० कौडासमेत बरामद गरिएको छ ।

प्रकाशित : आश्विन २, २०७८ १४:३३
पूरा पढ्नुहोस्
प्रतिक्रिया
पठाउनुहोस्
×