सल्यानका राउटे परिवारलाई लन्डनबाट सहयोग

ती सामग्री राष्ट्रिय सभा अध्यक्ष गणेश तिमिल्सिनाले राउटे परिवारलाई हस्तान्तरण गरेका हुन् ।

कार्यक्रममा अध्यक्ष तिमिल्सिनाले राउटे जातिको जीवनस्तर सुधार्न दीर्घकालिन योजनामा जोड दिए । उनले अहिलेसम्मका सरकारले राउटेको जीवनस्तर सुधारेर सामाजिकीकरण गर्ने सवालमा ठोस् योजना ल्याउन नसकेको पनि बताए । 'राउटेहरुको भाषा, संस्कृति, धर्म, रीतिरिवाज संरक्षण गरेर उनीहरुको जीवनस्तर रुपान्तरण गर्न जरुरी छ, उनीहरुलाई सहयोगका नाममा अरुले फाइदा लिइरहेका छन्', अध्यक्ष तिमिल्सिनाले भने ।

सहयोग वितरण कार्यक्रममा सल्यान र सुर्खेतका प्रमुख जिल्ला अधिकारी, स्थानीय मेयर, प्रदेश सांसद, प्रहरी प्रमुखलगायत सहभागी थिए ।

रविचन्द्र ट्रष्ट नेपालका संस्थापक अध्यक्ष लामिछानेले अहिले ट्रष्टमार्फत ४० जना अनाथ जेहेन्दार बालबालिकालाई नेपालका विभिन्न जिल्ला पर्वत, दाङ, गोरखाको बोर्डिङ स्कुलमा पढाइरहेका छन् ।