कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

प्राध्यापक सुवेदीले निजी पुस्तकालय ल क्याम्पसलाई दिने

लन्डन — बेलायतमा तीन दशकदेखि प्राध्यापन गर्दै आएका सूर्यप्रसाद सुवेदीले आफूले प्रकाशन र संग्रह गरेका अन्तर्राष्ट्रिय कानुन र मानवअधिकारसम्बन्धी बहुमूल्य पुस्तकहरू नेपाल ल क्याम्पसलाई दिने घोषणा गरेका छन् । पुस्तकसँगै क्याम्पसलाई १० लाख रुपैयाँ पनि उपलब्ध गराउने उनले बताएका छन् ।

प्राध्यापक सुवेदीले निजी पुस्तकालय ल क्याम्पसलाई दिने

अन्तर्राष्ट्रिय कानुन र मानवअधिकार विषयका प्राध्यापक सुवेदीले बेलायतको हल विश्वविद्यालयबाट विशिष्ट श्रेणीमा प्रथम भई स्नातकोत्तर गरेका छन् । त्यस्तै अक्सफोर्ड विश्वविद्यालयबाट विद्यावारिधि तथा महाविद्यावारिधिजस्ता उपाधि हासिल गरेका छन् ।

त्यस क्रममा अध्ययन गरेका र प्राध्यापनका लागि किनेका ग्रन्थहरू आफूले कानुनमा स्नातक गरेको संस्थालाई दिने सुवेदीले निधो गरेका हुन् । ती सबै पुस्तक आफ्नै खर्चमा नेपाल पठाउने उनले बताए ।

बेलायतको लिड्स, लन्डन र अक्सफोर्डसहित विश्वका लब्धप्रतिष्ठ सातवटा विश्वविद्यालयमा प्राध्यापन गरेका सुवेदीले ती ग्रन्थहरू नेपालका वर्तमान र भावी पुस्ताका लागि लाभदायी हुने आशा व्यक्त गरेका छन् । उनका अनुसार उक्त दस लाख रुपैयाँ क्याम्पसको मुद्दती खातामा जम्मा गरी त्यसको वार्षिक आयबाट पुस्तकालयमा नयाँ ग्रन्थ थप्दै जाने व्यवस्था मिलाइनेछ ।

प्रकाशित : श्रावण ८, २०७८ १२:१८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?