जर्मनीमा अन्तर्राष्ट्रिय नेपाली समाज गठन- प्रवास - कान्तिपुर समाचार
कान्तिपुर वेबसाईट
AdvertisementAdvertisement

जर्मनीमा अन्तर्राष्ट्रिय नेपाली समाज गठन

कान्तिपुर संवाददाता

काठमाडौँ — देश तथा विदेशमा रहेका नेपालीलाई संगठित गर्दै नेपाल र नेपालीको हित र विकासको काम गर्ने उद्देश्यका साथ अन्तर्राष्ट्रिय नेपाली समाजले जर्मनीमा नयाँ नेतृत्व चयन गरेको छ ।

विगत ८ वर्षदेखि जर्मनीलाई आफ्नो कर्मथलो बनाउँदै आएका सुमन बस्नेतको नेतृत्वमा जर्मनीको राष्ट्रिय कार्यसमिति गठन भएको हो ।

समितिको वरिष्ठ उपाध्यक्षमा विनोद ढकाल र उपाध्यक्षहरुमा मुना कार्की र राधा गौतम चयन भएका छन् । त्यसैगरी महासचिवमा विकाश सुवेदी, सचिवहरुमा प्रदीप परियार, अमृत लामिछाने चयन भएका छन् ।

समितिको कोषाध्यक्षमा पशुपति तामाङ, सह-कोषाध्यक्षमा टीकाराम बस्याल चयन भएका छन् भने सदस्यहरुमा कृष्ण क्षेत्री, कपिल कार्की, मुन कुमारी गुरुङ, यादव क्षेत्री, रीना बुढ़ाथोकी , कमल अधिकारी, मुना पौडेल, उज्वल भण्डारी, कृष्ण ओली,सुवास पौडेल र सन्जु तामाङ रहेका छन् । त्यसैगरी नवगठित कार्यसमितिले मोहन बहादुर कार्की, हुमनाथ ढकाल र भरत चलाउनेलाई सल्लाहकारको रुपमा चयन गरेको छ ।

अनलाइन मार्फत भएको उक्त कार्यक्रममा अन्तराष्ट्रिय नेपाली समाजका केन्द्रीय अध्यक्ष अर्जुन घिमिरे,समाजकी महिला समिति अध्यक्ष डा. रेणुका सोलुलगायतको उपस्थिती थियो ।

प्रकाशित : वैशाख २५, २०७८ १८:४८
प्रतिक्रिया
पठाउनुहोस्

गुल्मी र अर्घाखाँचीमा एकै दिन चार जनाको मृत्यु

वीरेन्द्र केसी

अर्घाखाँची — कोरोना संक्रमणका कारण गुल्मी र अर्घाखाँचीमा एकै दिन चार जनाको ज्यान गएको छ । गुल्मीको इस्मा गाउँपालिका–५ का ७९ वर्षीय पुरुषको निधन भएको छ । १९ गते कोरोना संक्रमित भएका उनी होम आइसोलेसनमा बसेका थिए । उनलाई स्वास फेर्न गाह्रो भएपछि दिउँसो पालिकाले वडा ४ को दोहोलीमा बनाएको कोभिड–१९ अस्थायी अस्पतालमा ल्याइएको थियो । 

स्वास्थ्य अवस्था जटिल भएकाले रिफर गरेर तम्घास अस्पतालमा पठाइएको कोभिड अस्पतालका फोकल पर्सन रेशम कार्कीले बताए । बिरामी अवस्था गम्भीर भएकाले यहाँबाट थप उपचारको लागि तम्घास पठाइएको र अस्पताल गेटमै पुग्दा निधन भएको उनले बताए ।

कोरोना संक्रमित भएर होम आइसोलेसनमा बसेका गुल्मी छत्रकोट गाउँपालिका–३ का ७६ वर्षीय एक पुरुषको ज्यान गएको छ । पीसीआर पोजिटिभ आएपछि ५ दिनदेखि घरमा बसेका उनलाई स्वास फेर्न गाह्रो भएपछि अक्सिजन दिन अस्पताल लैजाने तयारी गर्दा शनिबार बिहान घरमै निधन भएको उनका छिमेकी एवं वडा सचिव खिमलाल पन्थले बताए ।

अर्घाखाँचीको मालारानी गाउँपालिका–६ का ५४ वर्षीय एक महिलाको अर्घाखाँची अस्पतालमै शनिबार दिउँसो ज्यान गएको स्वास्थ्य कार्यालयका सूचना अधिकारी विजय विकले बताए । सास फेर्न गाह्रो भएपछि दुई दिनअघि अस्पतालमा ल्याइएको थियो । मालारानी–३ का ५५ वर्षीय एक पुरुषको पनि उपचारकै क्रममा ज्यान गएको उनले बताए ।

प्रकाशित : वैशाख २५, २०७८ १८:३५
पूरा पढ्नुहोस्
प्रतिक्रिया
पठाउनुहोस्
×