चीनमा ६ महिनाअघि मृत्यु भएका नेपालीको शव न‍ेपाल पठाइयो

लक्ष्मी लम्साल

बेइजिङ — चीनमा माघ दोश्रो साता निधन भएका एक नेपालीको शव शुक्रबार नेपाल फर्काइएको छ । कोभिड-१९ महामारीका कारण गत जनवरी २३ तारिख वुहानमा लकडाउन गरिएपछि त्यहाँस्थित एउटा होटलका ‘सेफ’ पुष्कर खड्काको शव अस्पतालमै रहेको थियो ।

हुबेई प्रान्तको वुहानस्थित इण्डियन मार्का होटलमा काम गर्ने दोलखाका ३८ वर्षीय नेपाली कामदार पुष्कर खड्काको जनवरी १९ तारिख राति आफू बसेकै होटलमा मृत्यु भएको थियो।

बेइजिङस्थित नेपाली राजदूतावासका अनुसार शव नेपाल फर्काउने क्रममा वैदेशिक रोजगार प्रवर्द्धन बोर्डको ३९ हजार आरएमबी सहयोग र चीनस्थित नेपाली समुदायबाट संकलित ७३ हजार आरएमबी गरी १ लाख १२ हजार चिनियाँ युआन खर्च लागेको छ। दूतावासको समन्वयमा वुहानबाट मृतक खड्काको शव १६ सय किलोमिटर टाढा युनान प्रान्तको राजधानी खुनमिङस्थित छाङ्श्वे विमानस्थलमा शव वाहनद्वारा पुर्‍याइएको दूतावासका मिनिस्टर सुशील लम्सालले जानकारी दिए।

अस्पतालले जनाएअनुसार खड्कामा कोरोना भाइरसको संक्रमण थिएन। मृतकका आफन्‍त धनबहादुर कार्कीका अनुसार खड्का एक दशकदेखि चीनमा ‘सेफ’सम्बन्धी काम गर्दै आएका थिए।

चीनबाट ९७ नेपाली फर्किए

कोरोना महामारीका कारण अड्किएर बसेका ९७ जना नेपालीहरू शुक्रबार हिमालय एयरलाइन्सको फ्लाइटबाट नेपाल फर्किएका छन्। उनीहरूमध्ये अधिकांश अध्ययन पूरा गरेका विद्यार्थीहरू छन् भने कतिपय आफन्त भ्रमणको सिलसिलामा थिए।

खुनमिङ विमानस्थलबाट नेपालीहरू सहितको विमान बेइजिङ समयअनुसार दिउँसो सवा १ बजे काठमाडौंका लागि प्रस्थान गरेको छ। यसअघि गत असार २५ मा १०५ जना नेपाली स्वदेश फर्किएका थिए।

सम्बन्धित समाचार

प्रकाशित : श्रावण १६, २०७७ ११:१५
प्रतिक्रिया
पठाउनुहोस्

‘ओली कमरेडले मान्नुभएन भने हामीसँग विकल्प छन्’

कान्तिपुर संवाददाता

काठमाडौँ — प्रधानमन्त्री एवं नेकपा अध्यक्ष केपी शर्मा ओलीले मंगलबार एकतर्फी रूपमा स्थगित गरेको स्थायी कमिटी बैठक अर्का अध्यक्ष पुष्पकमल दाहालले बहुमत सदस्य राखेर चलाए । दाहाल र वरिष्ठ नेता माधवकुमार नेपाल समूहको बैठकलाई ओली समूहले मान्यता दिएको छैन । दाहाल–नेपाल समूहले बैठक स्थगन गर्ने ओलीको कदमको आलोचना गरेको छ ।

यी घटनाक्रमसँगै दुवै समूह एक–एक कदम अगाडि बढेपछि नेकपामा झन्डै एक महिनादेखि जारी शक्तिसंघर्ष बहुमत–अल्पमतको खेलमा प्रवेश गर्ने सम्भावना बढेको छ । फेरि पनि दुवै अध्यक्षलाई स्थायी कमिटीको अर्को बैठकको मिति तय र सहमति जुटाउने जिम्मा छ । जटिल मोडमा पुगेको विवाद, अबको नेकपाको अवस्था र भविष्य के होला ? स्थायी कमिटी सदस्य अष्टलक्ष्मी शाक्यसँग बबिता शर्माले गरेको कुराकानी–

प्रकाशित : श्रावण १६, २०७७ १०:५९
पूरा पढ्नुहोस्
प्रतिक्रिया
पठाउनुहोस्
×